नवी दिल्ली. भारतीय महिला संघ एकदिवसीय क्रिकेट विश्वचषक स्पर्धेच्या अंतिम फेरीत उतरतील तेव्हा त्यांचे ध्येय पहिल्यांदाच विजेतेपद जिंकण्याचे असेल. पहिल्यांदाच अंतिम फेरीत पोहोचलेल्या आणि फॉर्ममध्ये असलेल्या दक्षिण आफ्रिकेशी होईल. दोन्ही संघ या ऐतिहासिक सामन्यात प्रचंड आत्मविश्वासाने सामोरे जातील दरम्यान भारतीय महिला संघ  विश्वचषकावर आपले नाव कोरेल असा विश्वास भारतीय क्रिकेट रसिकांना आहे.

 
चालू एकदिवसीय विश्वचषक स्पर्धेत भारताचा प्रवास खूपच कठीण राहिला आहे. संघाला लीग टप्प्याच्या मध्यभागीच बाद होण्याचा धोका होता, परंतु त्यांच्या फलंदाजांनी महत्त्वाच्या क्षणी गती मिळवून संघाला विजेतेपदाच्या शर्यतीत ठेवले. दरम्यान, दक्षिण आफ्रिकेने इंग्लंड आणि ऑस्ट्रेलियाकडून पराभव पत्करला असूनही, उर्वरित सर्व सामन्यांवर वर्चस्व गाजवले आणि उपांत्य फेरीत इंग्लंडला १२५ धावांनी हरवून आपली क्षमता सिद्ध केली.

भारताच्या उपांत्य फेरीतील नायिका जेमिमा रॉड्रिग्ज (नाबाद १२७) आणि कर्णधार हरमनप्रीत कौर (८९) यांच्याकडून अंतिम सामन्यातही अशीच जबाबदारीने खेळण्याची अपेक्षा असेल. जेमिमाचा फॉर्म हा भारताच्या फलंदाजीचा कणा आहे, तर हरमनप्रीत तिच्या अनुभवाने आणि आक्रमक दृष्टिकोनाने संघाला पुढे नेत आहे. सलामीवीर स्मृती मानधना देखील उत्कृष्ट फॉर्ममध्ये आहे.

तिने स्पर्धेत आतापर्यंत ३८९ धावा केल्या आहेत, ती दक्षिण आफ्रिकेची कर्णधार लॉरा वोल्वार्ड (४७० धावा) नंतर दुसऱ्या स्थानावर आहे. तथापि, संघाला प्रतीका रावलची उणीव भासेल, जी दुखापतीमुळे बाहेर आहे. तिच्या जागी आलेली तरुण शेफाली वर्मा जलद सुरुवात करेल अशी अपेक्षा आहे. मधल्या फळीत, दीप्ती शर्मा, रिचा घोष आणि अमनजोत कौर यांनी अनेक वेळा जलद धावा करून संघाला मजबूत स्थितीत आणले आहे.

भारतासमोर सर्वात मोठे आव्हान त्यांची गोलंदाजी आहे. दक्षिण आफ्रिकेच्या फलंदाजीला फिरकी गोलंदाजांविरुद्ध संघर्ष करावा लागला आहे, त्यामुळे संघाला त्यांच्या फिरकी गोलंदाजांकडून चांगल्या कामगिरीची अपेक्षा असेल. त्यांच्या टॉप ऑर्डरला ऑस्ट्रेलियन फिरकी गोलंदाजांविरुद्ध संघर्ष करावा लागला, त्यामुळे भारताला या कमकुवतपणाचा फायदा घ्यावा लागेल.