कोल्हापुर :महानगरपालिकेच्या शहर पाणीपुरवठा विभागाच्यावतीने आज शहरालगतच्या ग्रामीण भागातील 42 अनधिकृत व थकबाकीपोटी 3 नळ कनेक्शन खंडीत  करण्यात आली. शहर व ग्रामीण भागातील मोठे थकबाकीदार व अनधिकृत कनेक्शन धारकांचे नळ कनेक्शन खंडित करण्याची मोहीम पाणीपुरवठा विभागाच्यावतीने राबविण्यात येत आहे.

  यामध्ये आज पाणी पुरवठा विभागाकडील वसुली पथकामार्फत सदाशिव शांता पार्क, शाकंभरी कॉलनी, शिंगणापूर, आर.के.नगर, भारती विद्यापीठ समोरील निगडे मळा, समृधी कॉलनी या शहरालगतच्या ग्रामीण भागातील मिळकत धारकांनी महापालिकेच्या पाण्याच्या लाईन वरून 42 अनधिकृत कनेक्शन जोडून घेतली होती. ही सर्व कनेक्शन आज खंडित करण्यात आली आहे. तसेच पाणी बिल थकीत असलेली 3 मिळकतींचेही नळ कनेक्शन खंडीत करण्यात आले.

 सदरची कारवाई प्रशासक के.मंजुलक्ष्मी, अतिरिक्त आयुक्त राहुल रोकडे व जल अभियंता हर्षजीत घाटगे यांच्या मार्गदर्शनाखाली करण्यात आली. हि कारवाई शाखा अभियंता मयुरी पटवेगार, संजय पाटील, अजीत मोहिते, नरेद्र प्रभावळकर, मधु कदम, अमर बागल यांनी केली.

 ही मोहीम येथुन पुढेही सुरु राहणार असून शहरातील नागरिकांनी आपली अनाधिकृत नळ कनेक्शन रितसर अर्ज करुन व योग्य ते शुल्क भरुन नियमित करुन घ्यावी तसेच पाणी बिलाची रक्कम वेळेवर भरणा करावी व नळ कनेक्शन बंद करणे, वर्तमानपत्रात नाव प्रसिध्द करणे, मिळकतीवर बोजा नोंद करणे यासारखे कटु प्रसंग टाळावेत असे आवाहन महापालिकेच्यावतीने आवाहन करण्यात आले आहे.