+91 74474 43501, +91 8888260551 | smpnewsnetworks@gmail.com |
Breaking News
adjustयुपीएससी परिक्षेत झळकले सारथीचे २० विद्यार्थी adjustलोकसभा निवडणूक 2024 : गुरुवारी कोल्हापूरसाठी 12 उमेदवारांनी 16 तर हातकणंगलेसाठी 14 उमेदवारांनी 17 नामनिर्देशनपत्रे केली दाखल adjustयशवंत विद्यार्थी, मार्गदर्शक शिक्षक, मुख्याध्यापक यांचा सत्कार समारंभ उत्साहात adjustघरफाळा विभागाच्यावतीने 1 लाख 58 हजार 500 बिले जनरेट adjustभारत सरकार मॅट्रीकोत्तर शिष्यवृत्तीचे अर्ज भरण्यास 30 एप्रिलपर्यंत मुदतवाढ adjustलोकसभा निवडणूक 2024 : माढ्यातील उमेदवाराची अर्ज भरण्यासाठी चक्क रेड्यावरुन एन्ट्री adjustघोडावत विद्यापीठातील कॉमर्स व मॅनॅजमेण्ट विभागाच्या ४५ विद्यार्थ्यांची विविध कंपन्यांमध्ये निवड adjustपरगावी असणाऱ्या कोल्हापूरकरांनी 7 मे रोजी मतदानासाठी येण्याचे जिल्हा निवडणूक अधिकारी, अमोल येडगे यांचे आवाहन adjustदुग्ध व्यवसायामुळेच शेतकऱ्यांची आर्थिक प्रगती : अरुण डोंगळे; कुशिरे येथे दूध उत्पादकांना जातिवंत म्हैशी प्रदान करण्याचा कार्यक्रम adjustआरटीई 25 टक्के अंतर्गत विद्यार्थ्यांच्या प्रवेशासाठी ऑनलाईन अर्ज करावेत
Photo_1712720584815~2
Photo_1711784304922~2
SMP_news_Gokul_ghee
schedule08 Apr 23 person by visibility 2800 categoryराजकीय
नवी दिल्ली : राज्यसभेचे खासदार धनंजय महाडिक यांनी नवी दिल्ली येथे देशाचे पंतप्रधान नरेंद्र मोदी यांची सदिच्छा भेट घेतली. भाजपकडून राज्यसभेवर नियुक्ती झाल्याबद्दल, खासदार महाडिक यांनी पंतप्रधान नरेंद्र मोदी यांचे आभार मानले आणि पक्षाच्या संघटन वाढीसाठी तसेच राज्यसभेचे सदस्य म्हणून सर्वोत्तम योगदान देण्याचे अभिवचन दिले. पंतप्रधान नरेंद्र मोदी यांनीही खासदार धनंजय महाडिक यांना शुभेच्छा दिल्या आणि विविध विषयांवर मार्गदर्शन केले. 

 यावेळी खासदार महाडिक यांच्या पत्नी अरुंधती महाडिक, सुपुत्र चिरंजीव पृथ्वीराज, विश्वराज, कृष्णराज तसेच स्नुषा वैष्णवी आणि नातू चिरंजीव अमरेंद्र असे संपूर्ण महाडिक कुटुंबीय उपस्थित होते. पंतप्रधान नरेंद्र मोदी यांनी खासदार धनंजय महाडिक यांच्या परिवारातील सदस्यांची सुद्धा आत्मीयतेने आणि आपुलकीने चौकशी करून संवाद साधला.

 दरम्यान खासदार धनंजय महाडिक यांनी पंतप्रधान नरेंद्र मोदी यांना एक निवेदन दिले. ज्यामध्ये कोल्हापूर आणि सोलापूर जिल्ह्यातील काही महत्त्वाच्या रस्त्यांबाबत लक्ष वेधले. कोल्हापूर शहरातून रत्नागिरीला जाणारा महामार्ग जातो. त्यामुळे कोल्हापूर शहरात सुमारे सात किलोमीटर लांबीचा उड्डाणपूल उभारावा, तसेच वाहतुकीची कोंडी टाळण्यासाठी कोल्हापूर शहराबाहेरून सुमारे ६५ किलोमीटर लांबीचा नवा रिंग रोड तयार करावा, या दोन्ही कामांची जबाबदारी राष्ट्रीय राजमार्ग प्राधिकरणाकडे द्यावी, अशी विनंती खासदार महाडिक यांनी पंतप्रधान मोदी यांच्याकडे केली.

 तसेच सातारा, पंढरपूर, करुळ, कामटी हा सोलापूर जिल्ह्यातील रस्ता, पर्यटक आणि भाविक यांच्यासाठी महत्वाचा आहे. महाबळेश्वर, पंढरपूर, तुळजापूर आणि अक्कलकोट येथे जाण्यासाठी या रस्त्याचा वापर होतो. शिवाय १५ साखर कारखान्यांच्या वाहनांची याच रस्त्यावरून वर्दळ असते. त्यामुळे हा रस्ता भारतीय राष्ट्रीय महामार्ग प्राधिकरणाकडे वर्ग करावा, आणि राष्ट्रीय महामार्ग क्रमांक १६६ मध्ये समाविष्ट करावा, अशी मागणी खासदार धनंजय महाडिक यांनी केली. या दोन्ही मागण्यांबद्दल पंतप्रधान नरेंद्र मोदी यांनी सकारात्मकता दर्शवली.