कोल्हापूर : महाराष्ट्राची उपराजधानी नागपूर येथे संपन्न झालेल्या राज्यस्तरीय शालेय रायफल शूटिंग स्पर्धेत प्रिन्सेस पद्माराजे गर्ल्स हायस्कूल व ज्युनिअर कॉलेजची विद्यार्थीनी  परी डोईफोडे हिने पीप साइट (U-19) प्रकारात 400 पैकी 399 गुण मिळवत प्रथम क्रमांक पटकावला. या नेत्रदीपक कामगिरीमुळे तिने सुवर्णपदक मिळवले असून तिची राष्ट्रीय स्तरावरील नेमबाजी स्पर्धेसाठी निवड झाली आहे.

परीने आपल्या अचूक नेमबाजीच्या जोरावर मिळवलेले हे यश तिच्या जिद्दीचे, चिकाटीचे आणि कठोर परिश्रमाचे फलित आहे. तिच्या या उल्लेखनीय कामगिरीमुळे शैक्षणिक व क्रीडा क्षेत्रातून तिच्यावर अभिनंदनाचा वर्षाव होत आहे.

या यशासाठी परीला तिचे प्रशिक्षक, संस्थेचे पदाधिकारी, मुख्याध्यापिका  एस. आर. पाटील, उपमुख्याध्यापक  चोपदार सर, पर्यवेक्षक  भोई सर  आंबर्डेकर मॅडम, तसेच क्रीडाशिक्षिका  उमा भेंडिगिरी व वैजयंती पाटील यांचे मोलाचे मार्गदर्शन व सहकार्य लाभले.

परीच्या या देदीप्यमान यशाबद्दल तिचे मनःपूर्वक अभिनंदन करण्यात येत असून आगामी राष्ट्रीय स्पर्धेतही तिने उत्कृष्ट कामगिरी करून यशाची नवी शिखरे गाठावीत, अशा शुभेच्छा व्यक्त केल्या जात आहेत.