कोल्हापूर  : महानगरपालिका व महाराष्ट्र प्रदुषन नियंत्रण मंडळ यांच्या वतीने जागतिक पर्यावरण दिनानिमित्त शहरातील प्रमुख पाच रस्त्यावर पर्यावरण जनजागसृती  रॅली काढण्यात आली.

 ही रॅली संभाजी नगर ते दसरा चौक, फुलेवाडी , रंकाळा, गंगावेश, भगवा चौक बावडा ते रंमनमळा कलेक्टर ऑफिस, हॉकी स्टेडीयम, गोखले कॉलेज, उमा टॉकीज, लक्ष्मीपूरी, राजारापूरी, बागल चौक ते व्हिनस कॉर्नर, न्यु महाद्वारोड, सीपीआर चौक, कावळानाका ते दसरा चौक, छ.शिवाजी विद्यापीठ पासून दसरा चौक या प्रमुख मार्गानी काढण्यात आली. यामध्ये आटो टिप्पर वाहनावर स्वच्छ भारत अभियांन व प्लास्टिक बंदीचे फलक लावून जनजागृती करण्यात आली.  

तसेच शहरामध्ये ॲटो टिप्परच्या माध्यमातून प्लास्टिक बंदीबाबत स्पीकरवरुन जनजागृती करण्यात आली.  संदेश प्रसारीत करण्यात आला. सर्व वाहणावर  प्रदुषण मुक्त वातावरणचे फलक लावण्यात आले.  या रॅली मध्ये ॲटो टिप्पर, पीयुसी कार, ई बस, सीएनजी कार, ॲटो सीनजी, मोबाईल व्हॅन आदी वाहनांचा समावेश होता.  शेवटी दसरा चौक येथे जागतिक पर्यावरण दिनानिमित्त महापालिकेच्यावतीने शपथ घेण्यात आली. यावेळी अतिरिक्त आयुक्त राहूल रोकडे, सहा.आयुक्त कृष्णा पाटील, पर्यावरण अधिकारी समीर व्याघ्रांबरे, मुख्य आरोग्य निरीक्षक विजय पाटील, शहर समन्वयक   आरोग्य निरिक्षक, मुकादम, टिपरचालक आदी उपस्थिती होते.