कोल्हापूर : कोल्हापूर इन्व्हेस्टर्स असोसिएशनच्या वतीने 'वेल्थ कॉन २०२६' या मार्गदर्शनपर चर्चासत्राचे आयोजन करण्यात आले आहे. शनिवार दिनांक १ ऑगस्ट रोजी इचलकरंजी येथे आणि रविवार दिनांक २ ऑगस्ट रोजी सकाळी १०.०० वाजता कोल्हापुरात हॉटेल पॅव्हेलियन येथे हे मार्गदर्शनपर चर्चासत्र होणार आहे.

यामध्ये व्यवसायाच्या 'चांगल्याकडून उत्कृष्टकडे' (good to great) म्हणजेच G २ G जाण्याच्या टप्प्यावर गुंतवणूक कशी करावी या विषयावर एडलवाईस कंपनीचे अध्यक्ष आणि मॅंगो टाऊनचे सह संस्थापक अजय शर्मा हे पहिल्या सत्रात मार्गदर्शन करतील. आणि दुसऱ्या सत्रात मिराए ॲसेट शेअरखान (Mirae Asset Sharekhan) येथे रिटेल रिसर्च प्रमुख सोमिल मेहता हे व्यवसायातील "अस्थिरतेपलीकडील संधी" या विषयावर मार्गदर्शन करतील. अशी माहिती कोल्हापूर इन्व्हेस्टर्स असोसिएशनचे अध्यक्ष प्रवीण ओसवाल आणि सचिव मनीष झंवर यांनी पत्रकारांशी बोलताना दिली.

कोल्हापूर देखील उद्योग क्षेत्राच्या दृष्टीने झपाट्याने वाढत आहे. त्यात आमूलाग्र बदल होत आहेत. त्यामुळे गुंतवणुकीचे नवनवीन पर्याय समोर उभे राहत आहेत. ग्रामीण भागाचा विकास झपाट्याने होत आहे. पारंपरिक गुंतवणुकीकडून लोकांचा कल हा आधुनिक गुंतवणुकीकडे वाढलेला आहे. यामध्ये लघु आणि मध्यम उद्योग व्यवसायात गुंतवणूक करण्याकडे लोक वळत आहेत. यामध्ये गुंतवणूक फार महत्त्वाची कामगिरी बजावते. याबद्दल व्यावसायिक तसेच एकल व्यापारी आणि इतरांना देखील याचा फायदा व्हावा याकरिता अशा प्रकारच्या चर्चासत्राचे आयोजन करण्यात आले आहे. असे असोसिएशनचे अध्यक्ष प्रवीण ओसवाल यांनी सांगितले. पत्रकार परिषदेस सचिव मनीष झंवर आदी उपस्थित होते.