SMP News Network
SOCIAL MEDIA POWER
Register
Breaking : bolt
गोकुळची दूध दरवाढ तातडीने रद्द करा, अन्यथा लोकशाही मार्गाने आंदोलन; प्रांत उपभोक्ता संरक्षण परिषद समितीच्या पूनमताई तोडकर यांचा इशारागोरगरिबांच्या आशीर्वादाने माझी नोका पैलतीराला लागेल; मंत्री हसन मुश्रीफ यांचे भावनिक उद्गारकोल्हापूर शहरातील विनापरवाना व्यवसाय करणाऱ्या चार आस्थापना सीलसंयुक्त महाराष्ट्राच्या लढ्याचे स्मरण: महाराष्ट्र राज्य हुतात्मा स्मृती दिनअपघातात मृत सरसेनापती संताजी घोरपडे साखर कारखान्याच्या कर्मचाऱ्यांच्या कुटुंबीयांच्या पाठीशी हिमालयासारखा उभा राहणार : मंत्री हसन मुश्रीफ यांचा दिलासा३४ जणांवर होणार मोफत मोतीबिंदू शस्त्रक्रिया; आरोग्य अभियानातील लाभार्थ्यांची संख्या १६ हजार ७०१ वरचांगल्या जीवनशैलीतून सामाजिक शांतता, राष्ट्रउभारणी शक्य : डॉ. बी. आर. कोरेकामचुकार अधिकाऱ्यांवर हक्कभंग, विरोधकांना ३० वर्षांचा जाब; आमदार राजेश क्षीरसागर यांचा कोल्हापूर महापालिकेत कडक इशारा!शिवाजी ट्रेल ट्रेकचा २४ नोव्हेंबर रोजी शुभारंभ; दहा दिवस चालणार साहसी मोहीमकोल्हापुरातील कसबा बावडा सेवा रुग्णालयात आता ‘यलो फिव्हर’लसीकरण केंद्र सुरू होणार !

जाहिरात

 

गोकुळची दूध दरवाढ तातडीने रद्द करा, अन्यथा लोकशाही मार्गाने आंदोलन; प्रांत उपभोक्ता संरक्षण परिषद समितीच्या पूनमताई तोडकर यांचा इशारा

schedule21 Nov 26 person by visibility 146 categoryसामाजिक

कोल्हापूर  : कोल्हापूर जिल्हा सहकारी दूध उत्पादक संघाकडून (गोकुळ) २१ नोव्हेंबर २०२६ पासून लागू करण्यात आलेली दूध दरवाढ तातडीने रद्द करावी किंवा कमी करून सर्वसामान्य ग्राहकांना दिलासा द्यावा, अशी मागणी प्रांत उपभोक्ता संरक्षण परिषद समितीच्या वतीने करण्यात आली आहे. या संदर्भात समितीच्या कार्याध्यक्षा पूनमताई तोडकर यांनी गोकुळ शिरगाव येथील गोकुळ दूध संघाचे कार्यकारी संचालक डॉ. योगेश  गोडबोले यांना निवेदन सादर केले.

गोकुळ दूध संघाने प्रसिद्ध केलेल्या जाहिरातीनुसार फुल क्रीम दूध दरात प्रतिलिटर ६ रुपये, तर गाय, टोन्ड व प्रमाणित दूध दरात प्रतिलिटर ४ रुपये इतकी वाढ केली आहे. सध्याच्या महागाईच्या काळात अन्नधान्य, गॅस, वीज, शिक्षण आणि आरोग्याच्या वाढत्या खर्चामुळे सर्वसामान्य कुटुंबांचे आर्थिक गणित आधीच बिघडले आहे. त्यातच लहान मुले, विद्यार्थी, महिला आणि ज्येष्ठ नागरिकांच्या दैनंदिन आहाराचा महत्त्वाचा भाग असलेल्या दुधाच्या दरात मोठी वाढ झाल्याने ग्राहकांवर अन्यायकारक आर्थिक भार पडत असल्याचे निवेदनात नमूद केले आहे.

"आमची भूमिका दूध उत्पादक शेतकऱ्यांच्या विरोधात अजिबात नाही; शेतकऱ्यांना योग्य दर मिळायलाच हवा, मात्र शेतकऱ्यांचे हित जपताना ग्राहकांची क्रयशक्ती आणि हित यांचाही समतोल साधणे ही गोकुळसारख्या सहकारी संस्थेची जबाबदारी आहे," असे पूनमताई तोडकर यांनी स्पष्ट केले.

◼️निवेदनातील प्रमुख मागण्या:
 * २१ नोव्हेंबर २०२६ पासून लागू केलेली दूध दरवाढ तातडीने रद्द करावी किंवा प्रतिलिटर ६ व ४ रुपये केलेली वाढ कमी करावी.
 * दरवाढीमागील आर्थिक कारणे, उत्पादन खर्च आणि दरवाढीचे निकष ग्राहकांसमोर पारदर्शकपणे मांडावेत.
 * गोकुळच्या संचालक मंडळाने तातडीने बैठक घेऊन या दरवाढीचा पुनर्विचार करावा.

दरवाढीचा निर्णय मागे न घेतल्यास सर्वसामान्य ग्राहकांच्या हितासाठी लोकशाही मार्गाने आंदोलन करण्याचा विचार करावा लागेल, असा इशाराही समितीच्या वतीने देण्यात आला आहे.

जाहिरात

 
Copyright © 2026. All Rights Reserved by SMP News Network.
Designed & Developed by Adhvik go Online
JSON Output

    
Settings
Theme
themes