कोल्हापूर : कोल्हापूर जिल्ह्यातील पशुधनासाठी लाळ खुरकत (FMD) प्रतिबंधात्मक लसीकरणाची फेरी क्र.9 दिनांक 13 ऑगस्टपासून सुरु होत आहे. 13 ऑगस्ट ते 29 सप्टेंबर या 45 दिवसांच्या कालावधीत जिल्ह्यातील गाय व म्हैस वर्गातील सुमारे 8 लाख पशुधनाचे लसीकरण करण्यात येणार आहे.

  लाळ खुरकत रोगाचा प्रादुर्भाव रोखण्यासाठी पशुसंवर्धन विभागामार्फत ही लसीकरण मोहीम राबविण्यात येत आहे. जिल्ह्यातील सर्व पशुपालकांनी आपल्या पशुधनाचे लसीकरण जवळच्या पशुवैद्यकीय चिकित्सालयातील अधिकारी व कर्मचाऱ्यांमार्फत करून घ्यावे. लसीकरण मोहीम यशस्वी करण्यासाठी सर्व पशुपालकांनी सहकार्य करावे, असे आवाहन पशुसंवर्धन व दुग्धव्यवसाय विभागाच्या जिल्हा उपायुक्तांनी केले आहे