कोल्हापुरात स्थानिक गुन्हे अन्वेषण शाखेची मोठी कारवाई; ३ लाखांच्या एमडीसह तरुण अटकेत
schedule14 Sep 26 person by visibility 128 categoryगुन्हे
कोल्हापूर : स्थानिक गुन्हे अन्वेषण शाखा, कोल्हापूरच्या पथकाने मंगळवार पेठ येथील शेळके उद्यान जवळ सापळा रचून केलेल्या कारवाईत तब्बल ३,०४,४०० रुपये किमतीचा १५.२२ ग्रॅम वजनाचा मेफेड्रोन (MD) हा अंमली पदार्थ जप्त केला आहे. या प्रकरणी सोएब नौशाद शेख (वय २५, रा. सोमवार पेठ, कोल्हापूर) या तरुणास अटक करण्यात आली असून त्याच्याकडून मोबाईल आणि मोपेड मोटरसायकलसह एकूण ४,३०,००० रुपयांचा मुद्देमाल जप्त केला आहे.
या प्रकरणी जुना राजवाडा पोलीस ठाण्यात एन.डी.पी.एस. कायद्यांतर्गत गुन्हा नोंद करण्यात आला असून, पुढील तपास जुना राजवाडा पोलीस करीत आहेत.
पोलीस अधीक्षक नीलोत्पल, अपर पोलीस अधीक्षक आणासाहेब जाधव आणि उपविभागीय पोलीस अधिकारी प्रिया पाटील यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक सुशांत चव्हाण व त्यांच्या पथकाने ही कामगिरी केली आहे.
