SMP News Network
SOCIAL MEDIA POWER
Register
Breaking : bolt
राज्यात गणेशोत्सव होणार आता राज्य महोत्सव : सांस्कृतिक कार्यमंत्री ॲड. आशिष शेलारसांगली जिल्ह्यातील इस्लामपूर शहराचे नाव होणार ईश्वरपूरहिंदू जन संघर्ष समितीच्या उपोषणाची ११ व्या दिवशी भिडे गुरुजींच्या उपस्थितीत सांगता दूरशिक्षण, ऑनलाईन शिक्षण आजची गरज: डॉ. विलास शिंदे पर्यटनाच्या माध्यमातून जिल्ह्याचा शाश्वत विकास साधण्यासाठी प्रयत्न करुया : जिल्हाधिकारी अमोल येडगेकितीही स्थित्यंतरे आली तरी चित्रपटाचे ‘स्टोरीटेलिंग’ कायमच: डॉ. जब्बार पटेलदुर्गम भागातील गरजू विद्यार्थ्यांना रेनकोट, शैक्षणिक साहित्य वाटपभुदरगड तहसिल कार्यालयात सोमवारी लोकशाही दिनाचे आयोजनराज्यस्तरीय उत्कृष्ट सार्वजनिक गणेशोत्सव मंडळ स्पर्धेसाठी 20 ऑगस्ट पर्यंत अर्ज कराउखळु धबधबा पर्यटकांसाठी पर्वणी; हिरवागर्द निसर्गसौंदर्याची पर्यटकांना साद...

जाहिरात

 

कोल्हापूर शहरवासीयांना शनिवारपासून एक दिवस आड पाणी पुरवठा; 30 जानेवारी पर्यंत नियोजन कारण...

schedule12 Jan 23 person by visibility 1630 categoryमहानगरपालिका

कोल्हापूर : शिंगणापूर अशुध्द  जल उपसा केंद्राकडील  एक पंप नादुरूस्त झालेने शिंगणापूर योजनेवरील अवलंबून असणा-या भागास  पंप दुरूस्त होईपर्यत पुरेशा दाबाने  पाणी  पुरवठा करणे शक्य होणार नाही. त्यामुळे  पुईखडी  जलशुध्दीकरण केंद्रातून ई वॉर्ड व सलग्नीत उपनगरांना  होणारा पाणी पुरवठा शनिवार, दि.14 जानेवारी 2023 पासून एक दिवस आड करण्यात येणार आहे. त्याचबरोबर ए , बी वॉर्ड व सलग्नीत उपनगरांना रविवार दि.15 जानेवारी 2023 रोजी पाणी पुरवठा करण्यात येणार आहे. याप्रमाणे पंप दुरूस्त होऊन कार्यान्वित होईपर्यंत एक दिवस आड दि.30 जानेवारी 2023 पर्यंत  पाणी पुरवठयाचे  नियोजन करण्यात आले आहे.

यामध्ये ई वॉर्डास व संपूर्ण राजारामपुरी  1 ली ते 13 वी  गल्ली, मातंग वसाहत, यादवनगर, उद्यमनगर, शास्त्रीनगर, राजारामपुरी एक्स्टेंशन, टाकाळा, पांजरपोळ, सम्राटनगर, दौलतनगर, शाहूनगर, राजेंद्रनगर, इंगळे मळा, वैभव सोसायटी, शांतीनिकेतन, ग्रीनपार्क, शाहुपूरी 1 ली ते 4 थी गल्ली, व्यापारपेठ, शिवाजी पार्क, रूईकर कॉलनी, राजीव गांधी वसाहत,  लोणार वसाहत,  लिशा हॉटेल परिसर, महाडीक वसाहत इत्यादी भागात शनिवार दि. 14 जानेवारी 2023 रोजी पासून  एक दिवस  आड पाणी पुरवठयाचे नियोजन जलशुध्दीकरण केंद्र कार्यान्वित होईपर्यंत करण्यात आले आहे.  

त्याचबरोबर ए, बी, वॉर्ड त्यास  सलग्नित उपनगरे भाग व  शहराअंतर्गत येणा-या संपूर्ण फुलेवाडी  रिंगरोड,  सानेगुरूजी  वसाहत, राजेसंभाजी, क्रशरचौक, आपटेनगर टाकी परिसर,  राजोपाध्येनगर, कणेरकरनगर,  जरगनगर,  क्रांतीसिंहनाना  पाटील  नगर, तुळजाभवानी  कॉलनी,  देवकर पाणंद, शिवाजी पेठ, चंद्रेश्वरगल्ली,  तटाकडील  तालीम, साकोली कॉर्नर,  उभा मारुती चौक, बिनखांबी गणेश मंदिर परिसर, महाव्दार रोड, संपूर्ण मंगळवार पेठ, विजयनगर, संभाजीनगर, टिंबर मार्केट, मंडलिक वसाहत, मंगेशकर नगर, सुभाषनगर पंपींगवरील अवलंबून असणारा परिसर, शेंडापार्क टाकीवरील अवलंबून असणारा परिसर, जवाहरनगर, वाय पी पोवार नगर, मिरजकर तिकटी इत्यादी भागामध्ये शनिवार दि. 14 जानेवारी 2023 रोजी  पासून एक दिवस आड पाणी पुरवठयाचे नियोजन जलशुध्दीकरण केंद्र कार्यान्वित होईपर्यंत करण्यात आले आहे.  तरी शहरातील नागरीकांनी उपलब्ध होणारे पाणी काटकसरीने वापरून सहकार्य करावे असे आवाहन महापालिकेच्या पाणी पुरवठा विभागाच्यावतीने करण्यात आले आहे.

जाहिरात

 
Copyright © 2025. All Rights Reserved by SMP News Network.
Designed & Developed by Adhvik go Online
JSON Output

    
Settings
Theme
themes