कोल्हापूर  : ताट्यासाहेब कोरे इन्स्टिट्यूट ऑफ इंजिनिअरिंग अँड टेक्नॉलॉजी (स्वायत्त), वारणानगर येथे मेटलॅब विषयावर प्राध्यापक विकास कार्यक्रमाचे यशस्वी आयोजन करण्यात आले. हा कार्यक्रम दिनांक २८ जानेवारी ते १ फेब्रुवारी २०२६ या कालावधीत संपन्न झाला. सदर कार्यक्रम इंडियन सोसायटी फॉर टेक्निकल एज्युकेशन, नवी दिल्ली यांच्या अंतर्गत आयोजित करण्यात आला होता.

कार्यक्रमाचे उद्घाटन ॲप्लिकेशन इंजिनिअर  अंकित कुमार, प्राचार्य डॉ. डी. एन. माने, अधिष्ठाता, डॉ. एस. एम. पिसे, संयोजक डॉ. एस. टी. जाधव, डॉ. आर. बी. पाटील तसेच कार्यक्रम समन्वयक प्रा. अनिकेत एस. तोडकर यांच्या प्रमुख उपस्थितीत दीपप्रज्वलनाने करण्यात आले. 

उद्घाटनप्रसंगी डॉ. एस. एम. पिसे यांनी अभियांत्रिकी शिक्षण, संशोधन व उद्योगसहकार्य यामध्ये मेटलॅबसारख्या संगणकीय साधनांचे वाढते महत्त्व अधोरेखित केले.

या कार्यक्रमास वारणा विविध उद्योग शिक्षण समूहाचे अध्यक्ष  आमदार विनय कोरे, वारणा विद्यापीठाचे कुलाधिकारी  एन. एच. पाटील तसेच वारणा विद्यापीठाचे कुलगुरू डॉ. डी. टी. शिर्के, वारणा विभाग शिक्षण मंडळाचे मुख्य कार्यकारी अधिकारी, डॉ.विलास कारजिन्नी  यांचे मोलाचे मार्गदर्शन लाभले.

या प्राध्यापक विकास कार्यक्रमासाठी डिझाइन टेक सिस्टीम्स प्रा. लि., पुणे येथील ॲप्लिकेशन इंजिनिअर श्री. अंकित कुमार हे तज्ज्ञ मार्गदर्शक म्हणून उपस्थित होते. त्यांनी मेटलॅब प्रोग्रामिंग, डेटा विश्लेषण, प्रतिकृतीकरण, सिम्युलेशन तसेच अध्यापन व संशोधनातील विविध उपयोजनांवर सविस्तर मार्गदर्शन केले. कार्यक्रमामध्ये प्रत्यक्ष प्रात्यक्षिक सत्रांचा समावेश असल्याने सहभागी प्राध्यापकांना मेटलॅबचा प्रत्यक्ष वापर अनुभवता आला.

या कार्यक्रमासाठी ७० पेक्षा अधिक प्राध्यापकांनी सहभाग नोंदविला. सहभागी सदस्य हे अभियांत्रिकी, एमबीए, एमसीए, बीसीए, फार्म-डी, डी-फार्मसी तसेच विज्ञान शाखांतील प्राध्यापक होते. कार्यक्रमाचा समारोप कार्यक्रम समन्वयक प्रा. अनिकेत एस. तोडकर यांनी आभार मानले.