![](_SMPNews/u/pos/202407/1000873006--800.jpg)
नवी दिल्ली : आसाममधील पुरामुळे शेकडो लोकांना त्यांची घरे सोडावी लागली आहेत. राज्यातील परिस्थिती अशी आहे की पुरामुळे आतापर्यंत 58 जणांना आपला जीव गमवावा लागला असून 30 जिल्ह्यांतील 24 लाख लोक बाधित झाले आहेत.
पुरामुळे काझीरंग्यात मोठ्या प्रमाणात जनावरे मृत्युमुखी पडली असून अनेक जण जखमी झाले आहेत. आसाममध्ये गेल्या एका महिन्यात आलेल्या भीषण पूरस्थितीमुळे राज्यभरात 58 जणांचा बळी गेला आहे, असे आसाम राज्य आपत्ती व्यवस्थापन प्राधिकरणाने शनिवारी सांगितले.
एएसडीएमएच्या म्हणण्यानुसार, शनिवारी आणखी सहा जणांना आपला जीव गमवावा लागला, ज्यामुळे राज्यातील मृतांची संख्या 52 वरून 58 झाली.
प्रियंका गांधी यांनी आसाममधील पूरस्थितीमुळे लोकांच्या मृत्यूबद्दल शोक व्यक्त केला आहे आणि पक्षाच्या सदस्यांना मदत आणि बचाव कार्यात सक्रियपणे सहभागी होण्याचे आवाहन केले आहे. पुरामुळे झालेल्या मृत्यूबद्दल शोक व्यक्त करताना प्रियंका गांधी यांनी इन्स्टाग्रामवर पोस्ट केली आहे.
विनाशकारी पुराच्या पाण्यामुळे जीवित आणि मालमत्तेची हानीही वाढत आहे. पायाभूत सुविधांचे मोठ्या प्रमाणात नुकसान झाले आहे. शेकडो लोकांची घरे उद्ध्वस्त झाली आणि रस्ते बंद झाले. पिकांचे व पशुधनाचे मोठे नुकसान झाले आहे.