![](_SMPNews/u/pos/202311/Photo_1665484644826~233RVZw--800.jpg)
नवी दिल्ली : ब्रिटनच्या गृहमंत्री सुएला ब्रेव्हरमन यांना इस्त्रायल-हमास युद्धाच्या मुद्द्यावरून पंतप्रधान कार्यालयाची अवहेलना करणे महागात पडले आहे. त्यांनी लंडनचं पोलीस दल पॅलेस्टाईन समर्थक असल्याचा आरोप केला होता. लंडन पोलिसांवर गंभीर आरोप केल्यानंतर गृहमंत्री सुएला ब्रेव्हरमन यांची गृहमंत्रीपदावरून हकालपट्टी करण्यात आली आहे.
गृहमंत्री सुएला ब्रेव्हरमन यांची पदावरून हकालपट्टी केल्यानंतर पंतप्रधान सुनक यांच्याकडून नव्या गृहमंत्र्यांची नियुक्ती करण्यात आली आहे. तर या सर्व राजकीय घडामोडीनंतर ब्रिटेनचे माजी पंतप्रधान डेव्हिड कॅमेरन यांची परराष्ट्र मंत्री म्हणून नियुक्ती करण्यात आली आहे.
यामुळे डेव्हिड कॅमेरन यांची सात वर्षांनी राजकारणात पुन्हा एन्ट्री झाली आहे. तर जेम्स क्लेवर्ली यांची गृहमंत्रिपदावर नियुक्ती करण्यात आली आहे.