कोल्हापूर : अमेरिकेच्या स्कॉलर जीपीएस संस्थेने घेतलेल्या सर्वेक्षणात डी. वाय. पाटील अभियांत्रिकी महाविद्यालय, कसबा बावडा, कोल्हापूर येथील सहायक प्राध्यापक डॉ. बी. डी. व्हनमोरे यांना जागतिक संशोधकांच्या क्रमवारीत, लेसर बीम क्षेत्रात ३२५ वे अग्रस्थान मिळाले आहे. डॉ. व्हनमोरे यांच्या नावाच्या समावेशाने डी. वाय. पाटील अभियांत्रिकी महाविद्यालयाला आंतरराष्ट्रीय बहुमान प्राप्त झाला आहे.
डॉ. व्हनमोरे यांनी आंतरराष्ट्रीय नियतकालिंकामध्ये २७ हुन अधिक शोधनिबंध प्रसिद्ध केले आहेत. थेरॉटिकल फिजिक्स (लेसर प्लाज्मा फिजिक्स) क्षेत्रात त्यांनी केलेल्या संशोधनाची दखल जागतिक स्थरावर घेण्यात आली आहे.
याबद्दल डॉ. व्हनमोरे यांचे संस्थेचे अध्यक्ष आदरणीय डॉ. संजय पाटील साहेब, कार्यकारी संचालक डॉ. ए. के. गुप्ता, प्राचार्य एस. डी. चेडे, रजिस्ट्रार डॉ. एल. व्ही. मालदे, विभागप्रमुख डॉ. एन. डी. सांगळे, शिक्षक, शिक्षकेतर कर्मचाऱ्यानी त्यांचे अभिनंदन केले.