कोल्हापूर : महाराष्ट्र निसर्गोपचार ऑर्गनायझेशनच्या वतीने पुणे येथील वेदशास्त्र सभागृहात आयोजित केलेल्या एकदिवसीय प्रथमपद वितरण समारंभात महात्मा फुले कृषी विद्यापीठाचे कुलगुरू डॉ. प्रशांतकुमार पाटील यांच्या हस्ते कोल्हापूर येथील प्रसिद्ध निसर्गोपचार तज्ञ डॉ. देवेंद्र रासकर यांना प. महाराष्ट्र अध्यक्ष पदाचे नियुक्तीपत्र देण्यात आले. संपूर्ण महाराष्ट्र कार्यक्षेत्र असलेल्या या ऑर्गनायझेशनच्या माध्यमातून पदग्रहण समारंभ पार पडला.
महाराष्ट्र निसर्गोपचार ऑर्गनायझेशन ही ग्रामीण तसेच शहरी भागातील निसर्गोपचार तज्ञ डॉक्टरांच्या न्याय व हक्कासाठी लढणारी संस्था आहे.
यावेळी डॉ साईदिप रोट्टे, डॉ लक्ष्मीकांत दहिवले, ॲड. एम जी देशपांडे, डॉ. दत्तात्रय गोंगे, डॉ. रामहरी पोखरे, डॉ. ज्योतीताई शेटे, डॉ. श्रीकांत अंजुटगी यांच्यासह महाराष्ट्रातील सर्व जिल्ह्यातील डॉक्टर्स व पदाधिकारी उपस्थित होते.