![](_SMPNews/u/pos/202407/1000903748--800.jpg)
मुंबई : जालना राजूर रोडवर तूपेवाडी फाट्याजवळ एका काळी पिवळी जीप विहिरीत पडून ७ जणांचा मृत्यू झाला असून सहा जणांचे मृतदेह ग्रामस्थांच्या मतदीने बाहेर काढण्यात आले आहेत. वारकरी पंढरपूर वरून घरी जात असताना ही दुर्घटना घडली आहे. सहा जणांना वाचवण्यात यश आले आहे.
घटनास्थळी बचावकार्य सुरू असून काही जणांची प्रकृती चिंताजनक आहे. त्यामुळे मृतांचा आकडा वाढण्याची शक्यता आहे. घटनेची माहिती मिळताच जालन्यातील चंदनझिरा पोलीस त्वरित घटनास्थळी दाखल झाले. पोलिसांनी घटनास्थळी तपास सुरू केला आहे .
अपघातानंतर स्थानिकांनी घटनास्थळी धाव घेऊन तातडीने मदतकार्य सुरू केले त्यामुळे ६ जणांना वाचवण्यात यश आले आहे. या दुर्दैवी घटनेमुळे संपूर्ण परिसरात शोककळा पसरली आहे.