वारणानगर : येथील तात्यासाहेब कोरे इन्स्टिट्यूट ऑफ इंजीनियरिंग अँड टेक्नॉलॉजी (ऑटोनॉमस) महाविद्यालयातील केमीकल इंजिनिअरिंग विभागातील प्राध्यापक प्रशांत भैयासाहेब देहनकर यांना विसवेश्वराय टेकनॉलॉजिकल युनिव्हर्सिटी, बेळगावी (रिसर्च सेंटर: एस डी यम कॉलेज ऑफ इंजीनियरिंग अँड टेक्नॉलॉजी, धारवाड) कडून पी.एच.डी. पदवी प्रदान झाली आहे.
प्रा. देहनकर हे केमीकल इंजिनिअरिंग विभागात अनुभवी प्राध्यापक असून, त्यांनी "स्टडीज ऑन हीट ट्रान्सफर कॅरॅक्टरिस्टिक्स बाय इन्सर्टींग ट्विस्टेड टेप इन हीट एक्सचेंजर" या विषयावर संशोधनपर प्रबंध सादर केला. या संशोधनासाठी त्यांना प्राध्यापक डॉ. केशव जोशी आणि डॉ. यु. बी. देशांनवार यांचे मोलाचे मार्गदर्शन लाभले. वारणा विविध उद्योग व शिक्षण समूहाचे अध्यक्ष डॉ. विनय कोरे व श्री वारणा विभाग शिक्षण मंडळाचे मुख्य कार्यकारी अधिकारी डॉ. विलास कारजिन्नी यांनी त्यांचे अभिनंदन केले. आपल्या संशोधनाचा उपयोग समाजाच्या आणि विद्यार्थ्यांच्या उन्नतीसाठी करावा असा सल्ला डॉ. विनय कोरे यांनी दिला.
अधिष्ठाता, डॉ. एस. एम. पिसे, प्राचार्य डॉ. डी. एन. माने व विभागप्रमुख डॉ. के. आय. पाटील यांनी अभिनंदन करून शुभेच्छा दिल्या आणि विभागातील सर्व वरिष्ठ प्राध्यापकांचे मार्गदर्शन लाभले.