कोल्हापूर  : गडहिंग्लज येथे गडहिंग्लज नगरपरिषद निवडणूकीच्या प्रचारार्थ कोपरा सभा व विविध प्रभागांमधील मतदारांच्या आमदार डॉ.विनय कोरे (सावकर) यांनी गाठीभेटी घेतल्या तसेच मतदारांशी संवाद साधला.

गडहिंग्लज नगरपरिषद निवडणूक २०२५ जनता दल - भाजपा - शिवसेना (शिंदे गट) व जनसुराज्य शक्ती या महायुतीचे नगराध्यक्ष पदाचे उमेदवार श्री.गंगाधर राजशेखर हिरेमठ यांच्यासह २२ नगरसेवक पदाच्या उमेदवारांना येत्या २ डिसेंबर रोजी प्रचंड मतांनी विजयी करा, असे आवाहन आमदार डॉ.विनय कोरे (सावकर) यांनी केले.

 गडहिंग्लज शहराच्या विकासासाठी तळमळीने काम करणाऱ्या कार्यकर्त्यांना जनता दल - भाजपा - शिवसेना (शिंदे गट) व जनसुराज्य शक्ती या महायुतीने उमेदवारी बहाल केली आहे. सत्ता साध्य नव्हे तर सेवेचे साधन म्हणून राबवत ही महायुती काम करेल, त्यामुळे गडहिंग्लज शहराच्या उज्वल भवितव्याचा विचार करून जनता दल - भाजपा - शिवसेना (शिंदे गट) व जनसुराज्य शक्ती या उमेदवारांना "डोक्यावर भारा घेतलेली स्त्री - कमळ - धनुष्यबाण आणि नारळाची बाग" या चिन्हा समोरील बटन दाबून सर्व उमेदवारांना बहुमताने विजयी करत सेवेची संधी द्यावी असे आवाहन आमदार डॉ.विनय कोरे (सावकर) यांनी केले.

यावेळी जनता दल - भाजपा - शिवसेना (शिंदे गट) व जनसुराज्य शक्ती या महायुतीचे सर्व उमेदवार,पदाधिकारी,कार्यकर्ते व नागरिक मोठ्या संख्येने उपस्थित होते.