हातकणंगले : कुंभोज (ता. हातकणंगले) येथील किराणा मालाच्या दुकानदाराकडून १६ हजार रुपयाची लाच घेताना पोलिस हवालदार रविकांत भैरू शिंदे (वय. ५० रा. पांच तिकटी, हातकणंगले. मूळ गाव फणसवाडी, ता. भुदरगड) याला लाचलुचपत विभागाच्या पथकाने अटक केली .
कुंभोज येथील किराणा दुकानात गुटखा विक्रीबाबत गुन्हा दाखल करतो. अशी भिती घालून रविकांत शिंदे याने दुकानदाराकडे १० हजार रुपयाची मागणी केली. तडजोडी अंती महिना चार हजाराचा सौदा ठरला.
लाचलुचपत विभागाने पडताळणी करून आज, शुक्रवारी हातकणंगले पोलीस ठाणे परिसरात सापळा लावला. दरम्यान, १६ हजार रुपयांची घेताना रविकांत शिंदेला रंगेहाथ पकडले. ही कारवाई लाचलुचपत पथकाने केली.