![](_SMPNews/u/pos/202406/1000809256--800.jpg)
जालना : मराठा आरक्षणासंदर्भातील 'सगेसोयरे अध्यादेशाची अंमलबजावणी करावी, मराठा-कुणबी एकच असल्याचा कायदा पारित करावा, आंदोलकांवरील गुन्हे मागे घ्यावेत, आदी मागण्यांची पूर्तता करण्यास सरकाराला एक महिन्याची मुदत देत मनोज जरांगे-पाटील यांनी आपले उपोषण स्थगित केले.
महिनाभरात मागण्या मान्य न झाल्यास उपोषण न करता विधानसभा निवडणुकीत उतरून तुमचे उमेदवार पाडू, असा इशाराही जरांगे यानी दिला.
यावेळी सगेसोयरे अध्यादेशाची अंमलबजावणी, आरक्षणाबाबत आपण पाठपुरावा करू, असे राज्य उत्पादन मंत्री शंभुराज देसाई म्हणाले. यावेळी राज्य उत्पादन शुल्क मंत्री शंभुराज देसाई, खा. संदीपान भुमरे, आ. राणाजगजितसिंह पाटील, आ. राजेंद्र राऊत, आ. मेघना बोर्डीकर यांनी गुरुयारी दुपारी जरांगे पाटील यांची भेट घेऊन त्यांच्याशी चर्चा केली.