कोल्हापूर : मागील चार दिवसांपासून कोल्हापूर शहर व जिल्ह्यामध्ये मोठ्या प्रमाणात पाऊस पडत आहे. संभाव्य पूरस्थिती व नैसर्गिक आपत्तीच्या पार्श्वभूमीवर शहरातील शहरातील पूरग्रस्त भागांमध्ये पावसाचे पाणी साचून कोणतीही आपत्तीजनक परिस्थिती निर्माण होऊ नये, यासाठी महापालिकेचे अतिरीक्त आयुक्त रविकांत आडसूळ यांनी आज विविध ठिकाणांची पाहणी केली.

 

  यावेळी राजाराम बंधारा, बाबुभाई परिख पूल, राजारामपुरी आठवी गल्ली आदी सखल भागांची पाहणी करून संबंधित विभागांच्या अधिकाऱ्यांना आवश्यक त्या प्रतिबंधात्मक उपाययोजना तत्काळ राबविण्याच्या सूचना देण्यात आल्या.

 

  राजारामपुरी व इतर भागांमध्ये मागील चार दिवसात पडलेल्या झाडांची पाहणी करणेत आली. पुढील चार दिवसात शहरातील धोकादायक झाडे काढून घेणे संदर्भात सूचना यावेळी दिल्या.

 

  तसेच सर्व संबंधित अधिकारी व कर्मचाऱ्यांनी सतर्क राहून नियमित टेहळणी करावी, परिस्थितीवर सातत्याने लक्ष ठेवावे आणि कोणतीही आपत्कालीन परिस्थिती उद्भवल्यास तातडीने आवश्यक कार्यवाही करून वरिष्ठांना अवगत करावे असे आदेश अतिरीक्त आयुक्त रविकांत आडसूळ यांनी दिले.

या पाहणीवेळी सहाय्यक आयुक्त डॉ. विजय पाटील, मुख्य अग्निशमन अधिकारी मनीष रणभिसे तसेच महापालिकेचे संबंधित अधिकारी व कर्मचारी उपस्थित होते.