घुणकी : येथील डॉ. बाबासाहेब आंबेडकर जयंती उत्सव समितीच्यावतीने भारतीय राज्यघटनेचे शिल्पकार डॉ. बाबासाहेब आंबेडकर यांची १३५ वी जयंती साधेपणाने पण अत्यंत उत्साहात साजरी करण्यात आली. या उपक्रमातून पर्यावरणपूरक सामाजिक भान जपणारा आदर्श निर्माण करण्यात आला. यावेळी शैक्षणिक वाढीसाठी प्रश्नमंजुषा लहान मुलांचे सांस्कृतिक आणि भाषणे घेण्यात आली.

कार्यक्रमाच्या प्रारंभी गावच्या लोकनियुक्त सरपंच  सुजाता जाधव यांच्या हस्ते डॉ. आंबेडकर यांच्या प्रतिमेचे पूजन करून अभिवादन करण्यात आले. यावेळी त्या म्हणाल्या की, डॉ. आंबेडकर यांच्या कार्यामुळेच महिलांना सुरक्षितता आणि सक्षमीकरण लाभले आहे. “डॉ. बाबासाहेब आंबेडकर वाचा, तुम्ही वाचाल आणि देश वाचेल,” असा संदेश त्यांनी दिला.

त्यानंतर उपसरपंच केशव कुरणे यांच्या हस्ते सभागृहासमोरील निळा ध्वज फडकवण्यात आला. 
त्यानंतर सामुदायिक त्रिशरण पंचशील घेण्यात आले. 
या उत्सव समितीने प्रश्नमंजुषा स्पर्धा व विविध सांस्कृतिक कार्यक्रमांचे आयोजन करून समाजापुढे आदर्श ठेवला असल्याचे समितीचे अध्यक्ष सचिन कांबळे यांनी सांगितले.

कार्यक्रमादरम्यान लहान मुलांनी डॉ. आंबेडकर यांच्यावर भाषणे सादर करून उपस्थितांसमोर त्यांचा जीवनपट प्रभावीपणे उलगडला. कार्यक्रमाचे उत्कृष्ट नियोजन आणि सादरीकरणाबद्दल बहुजन युवा क्रांती आघाडीचे संस्थापक तसेच राष्ट्रवादी काँग्रेस (शरद पवार गट) जिल्हा उपाध्यक्ष शहाजी सिद (वस्ताद) यांनी समितीचे कौतुक केले.

यावेळी लोकनियुक्त सरपंच सुजाता जाधव, उपसरपंच केशव कुरणे, वारणा साखर कारखान्याचे संचालक सुभाष जाधव, वारणा बँकेचे संचालक प्रभाकर कुरणे, ग्राम सदस्य संदीप केर्ले, सदस्य  निलिमा शिंदे, रमेश पाटोळे, जालिंदर पवार, संजय बुडे , संजय गुरव, विकास जाधव, ॲड अक्षय पाटील, जेष्ठ बाबासो कांबळे, राहुल पाटोळे, सुशांत पाटोळे, अनिल डोईफोडे, अजित पाटोळे, कुमार पाटोळे, उत्सव समितीचे अध्यक्ष सचिन कांबळे, उपाध्यक्ष महेंद्र कांबळे, सचिव गौतम कांबळे, तसेच समितीचे सदस्य अशोक कांबळे, बापूसो कांबळे,अक्षय कांबळे, सुजल सनदी, विकास कांबळे, संतोष कांबळे, जितेंद्र कांबळे, महादेव कांबळे, उदय कांबळे, आदी गावातील विविध पदाधिकारी मोठ्या संख्येने उपस्थित होते.