कोल्हापूर : जिल्हा कौशल्य विकास, रोजगार व उद्योजकता मार्गदर्शन केंद्रामार्फत गुरुवार, 23 जुलै रोजी सकाळी 10 ते दु. 2 या वेळेत कौशल्य विकास, रोजगार व उद्योजकता मार्गदर्शन केंद्र कोल्हापूर, सी बिल्डींग, शासकीय निवासस्थान, विचारेमाळ येथे नोकरी इच्छुक उमेदवारांसाठी प्लेसमेंट ड्राइव्हचे आयोजन करण्यात आले आहे.

या रोजगार मेळाव्यामध्ये 2 खासगी उद्योजकांकडून 50 पेक्षा जास्त रिक्तपदे कळविण्यात आलेली आहेत. या पदांकरीता किमान 12 वी तसेच कोणत्याही शाखेतील पदवीधर पात्रता असणारे उमेदवार पात्र राहतील. 

इच्छुक उमेदवारांनी rojgar.mahaswayam.gov.in आणि ncs.gov.in या संकेतस्थळास भेट देऊन आपले पसंतीक्रम ऑनलाईन नोंदविणे आवश्यक आहे. प्रत्यक्ष मुलाखतीला येताना आपली सर्व शैक्षणिक कागदपत्रे, आवश्यकतेनुसार रिझ्युमच्या 3 प्रती सोबत आणणे आवश्यक आहे. जास्तीत जास्त उमेदवारांनी या संधीचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त जमीर करीम यांनी केले.