कोल्हापूर : 'वाचन कट्टा कोल्हापूर' या संस्थेच्या वतीने आयोजित करण्यात आलेल्या 'स्टेट लेव्हल प्रोफॉन्ड रीडर्स कॉम्पिटिशन' (State Level Profound Readers Competition) या राज्यस्तरीय इंग्रजी वाचक स्पर्धेत प्रिन्सेस पद्माराजे गर्ल्स हायस्कूलची इयत्ता ९ वी 'ब' मधील विद्यार्थिनी  श्रावणी प्रशांत मेधावी हिने घवघवीत यश संपादन करत प्रथम क्रमांक पटकावला आहे.

'लेट्स नो अवर शाहू महाराज' (Let's know our Shahu Maharaj) या विषयावर श्रावणीने प्रभावी सादरीकरण केले. तिच्या या उत्कृष्ट वाचनशैलीचे आणि विषयाच्या मांडणीचे परीक्षकांनी विशेष कौतुक केले. या स्पर्धेतील यशाबद्दल तिला ७ हजार रुपये रोख, सन्मानचिन्ह (शिल्ड) आणि प्रमाणपत्र देऊन गौरवण्यात आले. शिवाजी विद्यापीठाचे कुलगुरू डॉ. रजनीश कामत यांच्या हस्ते श्रावणीचा विशेष सत्कार करण्यात आला.

श्रावणीच्या या यशाबद्दल संस्थेचे पदाधिकारी, मुख्याध्यापिका सविता पाटील, उपमुख्याध्यापक, पर्यवेक्षक, शिक्षक-शिक्षकेतर कर्मचारी, पालक आणि सर्व विद्यार्थीनींनी तिचे व तिच्या पालकांचे  अभिनंदन केले आहे.