कोल्हापूर : वरिष्ठ भूवैज्ञानिक,भूजल सर्वेक्षण आणि विकास यंत्रणा (GSDA) जिल्हा कार्यालय - कोल्हापूर यांच्यावतीने राधानगरी तालुक्यातील म्हासुर्ली ग्रामपंचायत अंतर्गत जोगमवाडीतील ओढ्यावर वनराई बंधारा आज बांधण्यात आला.      

 हा बंधारा जोगमवाडी गावाच्या सार्वजनिक पाणीपुरवठ्याच्या विहिरीशेजारीच बांधण्यात आला असल्याने ओढ्यातून वाहून जाणारे पाणी अडवून भूगर्भातील पाणीपातळी वाढण्यास मोठी मदत होणार आहे.या बंधाऱ्यामुळे अडवलेले पाणी जमिनीत मुरून शेजारील पिण्याच्या पाण्याच्या विहिरीची जलपातळी उन्हाळ्यातही टिकून राहण्यास हातभार लागणार आहे . 
            
 ग्रामीण भागात पाणीटंचाईवर मात करण्यासाठी आणि उपलब्ध नैसर्गिक पाण्याच्या प्रवाहाचा योग्य वापर करून भूजल पुनर्भरण (Groundwater Recharge) करण्याच्या उद्देशाने हा उपक्रम राबवण्यात आला.                                या वनराई बंधाऱ्याच्या कामासाठी स्थानिक नागरिक, ग्रामसेवकासह इतर पदाधिकारी व संबंधित तांत्रिक कर्मचाऱ्यांचे सहकार्य मोठ्या प्रमाणावर लाभले.