इचलकरंजी : घोडागाडी शर्यतीच्या वादातून शहापूर येथील शाळेच्या पाठीमागे सुशांत दीपक कांबळे (वय १८, रा. आसरानगर, इचलकरंजी) या युवकाचा डोक्यात दगड घालून खून करण्यात आला. असे मृताचे नाव आहे. याप्रकरणी पोलिसांनी तिघा संशयितांना अटक केलीअसून या घटनेची नोंद शहापूर पोलिस ठाण्यात झाली आहे.
अतिश दत्तात्रय नेटके (१९, रा. सहकारनगर), आर्यन सरदार चव्हाण (२१, रा. गणेशनगर) व प्रदीप पारद यादव (२०, रा. जेकेनगर) अशी अटक केलेल्यांची नावे आहेत.
शहापुरातील विद्यामंदिर क्र. ४३ या शाळेच्या मागे गुरुवारी सकाळी व्यायामासाठी आलेल्या नागरिकांना मृतदेह आढळला. त्यांनी ही माहिती पोलिसांना दिली. धारदार शस्त्राने वार करून युवकाचा खून केल्याचे आढळले.
पोलिसांना घटनास्थळी सापडलेल्या मोबाइलवरून मृताची ओळख पटली. पंचनामा करून मृतदेहविच्छेदनासाठी आयजीएम रुग्णालयात पाठविला. त्यानंतर शहापूर पोलिस आणि कोल्हापूर एलसीबीच्या पथकाने मारेकऱ्यांचा शोध सुरू केला. तपासामध्ये मोबाइल लोकेशनवरून संशयित कोल्हापुरातील राजाराम कॉलेजच्या इमारतीच्या मागील बाजूस असल्याचे समजले. त्यानुसार कारवाई करत संयुक्त पथकाने तिघा संशयितांना ताब्यात घेतले. त्यांच्याकडे अधिक चौकशी केली असता काही दिवसांपूर्वी त्यांच्यात घोडागाडी शर्यतीच्या कारणावरून झालेला वादातून हा खून केला असल्याचे संशयितांनी कबूल केले.