कागल : लाडक्या बहिणींच्या संरक्षणाचे आणि विश्वासाचे प्रतीक असलेल्या रक्षाबंधनानिमित्त कागल शहरासह ग्रामीण भागातील माता-भगिनींनी मंत्री हसन मुश्रीफ यांच्या निवासस्थानी हजेरी लावत त्यांच्या मनगटावर प्रेमाची राखी बांधली. यावेळी उपस्थित महिलांनी आपल्या लाडक्या भाऊरायाचे औक्षण करून त्याच्या दीर्घआयुष्यासाठी प्रार्थना केली.

​बेलेवाडी मासा येथील महिलांसोबतच प्रजापिता ब्रह्माकुमारी ईश्वरीय विश्वविद्यालयाच्या बहीणजींनी विशेष उपस्थित राहून मुश्रीफ यांना राखी बांधली आणि ओवाळणी केली. बहिणींच्या या स्रेहवर्षावाने आणि अपार प्रेमाने मंत्री मुश्रीफ भावूक झाले.

​या प्रसंगी मनोगत व्यक्त करताना मंत्री हसन मुश्रीफ म्हणाले, "राजकारणात आणि समाजकारणात काम करत असताना माझ्या लाडक्या माता-भगिनींचे आशीर्वाद आणि त्यांची पुण्याई हीच माझ्या पाठीशी खमंग कवचकुंडलासारखी उभी आहे. माता-भगिनींच्या याच अपार आशीर्वाद आणि प्रेमामुळे आजवरची माझी राजकीय व सामाजिक वाटचाल अत्यंत यशस्वी होऊ शकली आहे."
​बहिणींच्या या स्रेहसंमेलनाने आणि रक्षाबंधनाच्या पवित्र बंधनाने कागलमधील वातावरण अत्यंत भावनिक आणि उत्साही बनले होते.