उमळवाड : सहकारमहर्षी स्व. शामरावअण्णा पाटील यड्रावकर यांच्या पुण्यतिथीनिमित्त आमदार डॉ. राजेंद्र पाटील यड्रावकर सोशल फाउंडेशन आणि शरद आयुर्वेद मेडिकल कॉलेज, हॉस्पिटल अँड रिसर्च सेंटर, यड्राव यांच्या संयुक्त विद्यमाने उमळवाड येथे मोफत आरोग्य तपासणी व नेत्र तपासणी शिबिराचे आयोजन करण्यात आले. या शिबिरात एकूण ४५० नागरिकांची तपासणी करण्यात आली.
शिबिरात २७५ नागरिकांची नेत्र तपासणी, तर १७५ नागरिकांची फिजिकल आरोग्य तपासणी करण्यात आली. गरजू नागरिकांना आवश्यक वैद्यकीय मार्गदर्शन देण्यात आले.

स्व. शामरावअण्णा पाटील यड्रावकर यांच्या पुण्यतिथीनिमित्त सुरू असलेल्या या आरोग्य अभियानांतर्गत कवठेसार , कोथळी, दानोळी आणि उमळवाड या तीन गावांमध्ये आतापर्यंत एकूण १ हजार ९११ नागरिकांची आरोग्य व नेत्र तपासणी करण्यात आली आहे.

यावेळी नेमिनाथ खुळे, भरमा मगदूम, मिलिंद मगदूम, विद्याधर कर्वे, सरपंच छाया कर्वे, उपसरपंच कोळी, मदन संकपाळ यांच्यासह ग्रामपंचायत सदस्य, गावातील विविध पदाधिकारी, कार्यकर्ते व ग्रामस्थ मोठ्या संख्येने उपस्थित होते.