कोल्हापूर : स्वर्गीय अजितदादा पवार यांच्या स्मारक उभारणीसाठी संभाव्य जागांची पाहणी आज कोल्हापूर महानगरपालिकेच्यावतीने महापौर सौ. रूपाराणी निकम यांनी पदाधिकाऱ्यांसमवेत केली. सकाळी १०.३० वाजता मुक्त सैनिक वसाहत उद्यान, रुईकर कॉलनी उद्यान तसेच के.एस.बी.पी. चौक या तीन ठिकाणांची प्रत्यक्ष पाहणी करण्यात आली.

  यावेळी महापौरांनी संबंधित अधिकाऱ्यांना चारही ठिकाणाचा एकूण एरिया, लांबी-रुंदी यासह आवश्यक सर्व तांत्रिक माहिती सादर करण्याच्या सूचना दिल्या. तसेच नामांकित आर्किटेक्टकडून स्मारकाचे डिझाईन तयार करून ते सादर करावे. त्यानंतर जागेच्या ठिकाणाबाबत अंतिम निर्णय महासभेत घेण्यात येणार असल्याचे त्यांनी सांगितले.

  यावेळी स्थायी समिती सभापती विशाल शिराळे, परिवहन समिती सभापती सत्यजित जाधव, महिला व बालकल्याण समिती सभापती सौ.कौसर बागवान, विरोधी पक्षनेते राजेश लाटकर, अतिरिक्त आयुक्त रविकांत आडसूळ, गटनेते आदिल फरास, शहर अभियंता रमेश मस्कर, उपशहर अभियंता निवास पवार, अरुण गुजर, कनिष्ठ अभियंता उमेश बागुल, पदमल पाटील तसेच महापालिकेचे कर्मचारी उपस्थित होते.