कोल्हापूर : पर्यावरण संवर्धनाचा संदेश जनमानसात रुजवण्यासाठी कोरगावकर ट्रस्टच्या वतीने कोरगावकर पेट्रोल पंप येथे मोफत रोपवाटपाचा उपक्रम उत्साहात पार पडला असून, गेल्या ११ वर्षांपासून सातत्यपूर्ण राबविण्यात येत असलेल्या या उपक्रमात यंदा तब्बल १० हजार रोपांचे मोफत वाटप करण्यात आले व नागरिकांचा उत्स्फूर्त प्रतिसाद लाभला. 

यावेळी मार्गदर्शन करताना प्रसिद्ध उद्योजक विनोद घोडावत यांनी पर्यावरणाचे संतुलन राखण्यासाठी वृक्षारोपणासोबतच वृक्षसंवर्धन ही काळाची गरज असल्याचे सांगितले. 

या कार्यक्रमाला नियोजन समिती सदस्य यशवंत नांदेकर, निवृत्त गृह पोलीस उपअधीक्षक तानाजी सावंत, एचपीचे समर रिजवी यांच्यासह अमोल कोरगावकर, आशिष कोरगावकर, आकाश कोरगावकर, अनिकेत कोरगावकर, राज कोरगावकर आणि ओम कोरगावकर यांची प्रमुख उपस्थिती होती.