जागतिक कला व वारसा दिनानिमित्त विद्यापीठात ‘रंग कुंचल्याचे’ स्पर्धा
schedule20 Apr 26 person by visibility 180 categoryशैक्षणिक
कोल्हापूर : शिवाजी विद्यापीठाच्या हिंदी अधिविभागामार्फत नुकताच जागतिक कला दिन (१५ एप्रिल) आणि जागतिक वारसा दिन (१८ एप्रिल) असा संयुक्त कार्यक्रम साजरा करण्यात आला.
विद्यापीठात या निमित्ताने 'रंग कुंचल्याचे' ही स्पॉट पेंटींग स्पर्धा शनिवारी (दि १८) घेण्यात आली. विशेष म्हणजे या स्पर्धेत हिंदी अधिविभागाच्या प्रमुख डॉ. तृप्ती करेकट्टी यांच्यासह विभागातील सर्व शिक्षकही स्पर्धक म्हणून सहभागी झाले.
स्पर्धेत हिंदी अधिविभागातील शिक्षक विद्यार्थ्यांसह भाषा प्रौद्योगिकी, संगीत व नाट्यशास्त्र आणि एमबीए या अभ्यासक्रमांच्या विद्यार्थ्यांनी व संशोधकांनीही सहभाग घेतला. सर्वांनीच स्वतःला रंगांच्या दुनियेत हरवून चित्रकलेचा आनंद घेतला.
वि.स. खांडेकर भाषा भवनच्या मागील तलावाजवळ पार पडलेल्या या स्पर्धेत डॉ. प्रकाश निकम, डॉ. गीता दोडमणी, डॉ. जयसिंग कांबळे, प्रतीक्षा ठुंबरे आदींनी सहभाग घेतला तसेच संयोजन केले.
