कोल्हापूर : राष्ट्रपिता महात्मा गांधी जयंतीनिमित्त कोल्हापूर महानगरपालिकेच्या वतीने स्वच्छ भारत दिन मोठ्या उत्साहात साजरा करण्यात आला. रंकाळा पदपथ उद्यान येथे आयोजित या कार्यक्रमात स्वच्छतेच्या कामात उल्लेखनीय योगदान देणाऱ्या महापालिकेच्या आरोग्य विभागातील कर्मचाऱ्यांसह विविध सेवाभावी संस्थांचा सन्मान करण्यात आला.

  या कार्यक्रमात महापालिकेच्या शाळांतील विद्यार्थी, अधिकारी, कर्मचारी व उपस्थित सेवाभावी संस्था, नागरिकांना ''हरित कायद्याची शपथ'' देण्यात आली. यावेळी महापालिकेच्या आरोग्य विभागाचे १० स्वच्छता कर्मचारी व वृक्षप्रेमी संस्था, अवनी संस्था, अर्थ वॉरिअर्स, बावडा रेस्क्यू फोर्स, केएमसी कॉलेज एनसीसी, शाहू सेना, 56 महाराष्ट्र बटालियन एनसीसी या सेवाभावी संस्थांचा प्रशस्तीपत्र देऊन गौरव करण्यात आला.

  हा सन्मान सोहळा अतिरिक्त आयुक्त रविकांत अडसूळ, उप-आयुक्त किरणकुमार धनवाडे, सहा. आयुक्त उज्वला शिंदे, संजय सरनाईक, सौ.स्वाती दुधाने, कृष्णा पाटील, प्रशासन अधिकारी डी सी कुंभार, मुख्य अग्निशमन अधिकारी मनीष रणभिसे व जनसंपर्क अधिकारी मोहन सूर्यवंशी यांच्या हस्ते प्रशस्तीपत्र व रोप देऊन करण्यात आला.

 याप्रसंगी बोलताना अतिरिक्त आयुक्त रविकांत अडसूळ म्हणाले की महापालिकेच्या आरोग्य विभागात काम करणाऱ्या ज्या कर्मचाऱ्यांचा आज सन्मान केला आहे त्यांनी नागरीकांना चांगल्या प्रकारच्या सेवा दिली आहे. असेच काम सर्व कर्मचाऱ्यांकडून होत राहावे अशी अपेक्षा व्यक्त करतो. शहरातील विविध सेवाभावी संस्थांनी कायम स्वच्छता मोहिमेत सहभाग नोंदविला आहे. त्यांचे असेच सहकार्य महापालिकेस मिळावे. स्वच्छता हि सेवा हा उपक्रम फक्त पंधरावड्याकरीता किंवा काही दिवसाकरीता मर्यादीत न ठेवता 365 दिवस चांगल्या प्रकारे कशी सेवा नागरिकांना देता येईल या दृष्टीकोनातून आपण सर्वांनी मिळून काम करूया. यासाठी अधिकारी, कर्मचारी, विविध सेवाभावी संस्था, सर्व नागरीक व विद्यार्थी यांच्या माध्यमातून हा स्वच्छता सेवा उपक्रम राबवूया असे सांगितले. पुनश्च सत्कार केलेल्या सर्व सेवाभावी संस्था व महापालिकेच्या कर्मचाऱ्यांचे मी अभिनंदन करतो.

  यावेळी उपशहर अभियंता महादेव फुलारी, अरुण गुजर, कामगार अधिकारी राम काटकर, नगरसचिव सुनील बिद्रे, इस्टेट ऑफिसर विलास साळोखे, करनिर्धारक व संग्राहक सुधाकर चल्लावाड, मुख्य आरोग्य निरिक्षक डॉ.विजय पाटील, जयवंत पवार, पर्यावरण अधिकारी समीर व्याघ्राबरे, रवका अधिकारी प्रशांत पंडत, ग्रंथपाल रत्नाकर जाधव, कनिष्ठ अभियंता अरुण गवळी, पदमल पाटील, प्रमोद बराले, शहर समन्वयक हेमंत काशीर, मेघराज चडचणकर, पर्यवेक्षक विजय माळी, क्रिडा निरिक्षक सचिन पांडव, सर्व आरोग्य निरिक्षक, स्वछता दूत अमित देशपांडे व महापालिकेच्या विविध विभागाकडील अधिकारी व कर्मचारी मोठ्या संख्येने उपस्थित होते.