कोल्हापूर  : बिंदू चौक येथे ईद फेस्टिव्हलचे उद्घाटन करण्यात आले आहे. महिलांची मोठी गर्दी  लक्षात घेता व हैदराबाद दिल्ली मुंबई या ठिकाणी येणाऱ्या नवीन नवीन महिलांच्या सौंदर्य वस्तूंचं साहित्य यावेळी आकर्षण राहणार आहे. महिलांकरिता अक्कमहादेवी मंडप  येथे वेगळी व्यवस्था करण्यात आलेली आहे.  ना नफा ना तोटा या धर्तीवर गेली सत्तावीस वर्षे ईद फेस्टिवलचे  आयोजन केले जात आहे. 
  
ईद फेस्टिवलचे उद्घाटन मुस्लिम समाजातील जेष्ठ शुगर फैक्टरी चीफ केमिस्ट हाजी बादशाह बाबुभाई बागवान याच्या हस्ते करण्यात आले.  अध्यक्षस्थानी महाभारत ग्रुपचे जयेश कदम होते. यावेळी माजी महापौर निलोफर आजरेकर,  माजी महापौर आर. के. पोवार, उद्योगपती संजय कदम, माजी उपमहापौर हरिदास सोनवणे, ईश्वर परमार,  राजु यादव,  सलीम शेख , हाजी जहांगीर अत्तार,  मलिक बागवान, हाजी लियाकत मुजावर, रफिक मुल्ला, समीर बागवान,  वर्षा मोरे,   शोभा शिंदे, मुसा कुलकर्णी आदी उपस्थित होते.

तसेच ईद फेस्टिवलचे संस्थापक गणी आजरेकर,  आयोजक रहिम महात.  मुस्ताक ताशिलदार. अब्दुलहमीद मिरशिकारी, निलेश भोसले,जमील बागवान आदी  उपस्थित होते.