कोल्हापूर : महापालिकेच्या मालकीचे सर्व मार्केटमधील गाळेधारकांना सन 2015 पासूनचे प्रलंबित भाडे भरण्याबाबत सर्व थकबाकीदारांना इस्टेट विभागामार्फत डिमांड नोटीसव्दारे कळविण्यात आले होते. परंतु इस्टेट विभागाकडून वारंवार सूचना देऊन व लेखी कळवूनही बहुतांश गाळेधारकांनी थकीत भाडे भरले नाही. त्यामुळे आज ए वॉर्ड कोटीतीर्थ मार्केट मधील रविंद्र दिघे, तुकाराम गणपती साबुगडे, दिलीप दामोदर बगाडे, एस.एस.इंडस्ट्रीज, बाबुराव गणपत गुडाळकर या पाच जणांचे दुकानगाळे सील करण्यात आले आहेत. त्याचबरोबर इतर दुकानदारांना भाडे भरण्याच्या सक्त सुचना देण्यात आलेल्या आहेत.

  सदरची कार्यवाही प्रशासक के.मंजूलक्ष्मी, अति.आयुक्त राहूल रोकडे व सहा.आयुक्त स्वाती दुधाणे यांच्या मार्गदर्शनाखाली इस्टेट ऑफिसर विलास साळोखे, अरुण भोसले, मनिष अतिग्रे, गिरीष नलवडे- जामदार, जर्नादन भालकर प्रथमेश पोवार, सदानंद फाळके, कल्पना शिरडवाडे यांनी केली.

  यापुढेही गाळेधारक आपले भाडे भरत नसल्यास संबंधीत दुकान सील करण्याची कारवाई करण्यात येणार असलेचे महापालिकेच्या इस्टेट विभागाच्यावतीने कळविण्यात आले आहे.