कोल्हापूर : जनरल प्रॅक्टिशनर असोसिएशन (जीपीए) २०२५ /२६ ची वार्षिक सर्वसाधारण सभा ही के. एम. ए हाऊस बेलबाग येथे रविवार दिनांक २३ मार्च २०२५ रोजी खेळीमेळीच्या वातावरणामध्ये पार पडली. यावेळी संस्थेचे सचिव डॉ. महादेव जोगदंडे यांनी २०२४/२५ चा सचिव अहवाल सादर केला, तर डॉ.गुणाजी नलवडे यांनी खजानिस लेखाजोखा अहवाल सांगितला. मावळते अध्यक्ष डॉ. अरुण धुमाळे यांनी वर्षभराच्या कामगिरीविषयी आढावा मांडला. त्यानंतर निवड समितीच्या अध्यक्षा डॉ. शुभांगी पार्टे यांनी नवीन कार्यकारिणी घोषित केली. 
यावेळी डॉ.वर्षा पाटील यांची २०२५/२६ या एक वर्ष कालावधीसाठी अध्यक्षपदी निवड झाल्याचे जाहीर करण्यात आले. मावळते अध्यक्ष डॉ.अरुण धुमाळे यांनी त्यांना अध्यक्षीय खुर्चीवर स्थानापन्न होऊन पदग्रहण केले. पुढील कार्यकारिणी जाहीर करण्यात आली. यामध्ये सचिवपदी डॉ.राजेश सोनवणे, खजानिस पदी डॉ. दीपक पवार यांची नेमणूक करण्यात आली. उर्वरित कार्यकारणी खालील प्रमाणे डॉ. शिवराज जितकर, डॉ. विनायक शिंदे, डॉ.गुणाजी नलवडे, डॉ.महादेव जोगदंडे, डॉ. उषा निंबाळकर,डॉ.प्रशांत खुटाळे, डॉ. शशिकांत पाटील, डॉ. विनायक कवठेकर, डॉ. सुधाकर ढेकळे,माजी अध्यक्ष डॉ.अरुण धुमाळे,तज्ञ सल्लागार संचालक पदी डॉ. शुभांगी पार्टे,डॉ. रमेश जाधव,डॉ. शिवाजी मगदूम. संस्थापक अध्यक्ष डॉ.विनोद घोटगे.   
       यावेळी सभेला डॉ. उद्यम वोरा, डॉ विलास महाजन, डॉ. शिवराज देसाई, डॉ. शीतल पाटील, डॉ. चंद्रकांत सोनवणे, डॉ. किशोर निंबाळकर, डॉ. हरीश नांगरे, डॉ. राजेश सातपुते तसेच अनेक आजीवन सभासद उपस्थित होते. नूतन सचिव डॉ. राजेश सोनवणे यांनी सर्वांचे आभार मानले.