कोल्हापूर : वनरक्षक भरती प्रक्रीया सन 2023 ने अनुषंगाने विविध जिल्हयातून भरतीसाठी येणाऱ्या उमेदवारांची दि.22 ते 29 फेब्रुवारी 2024 अखेर धाव चाचणीसाठी राज्यभरातून उमेदवार कोल्हापूर येथे येणार आहेत. या उमेदवारांची धाव चाचणी कागल रोडवरील लक्ष्मी टेकडी ते रेमंड चौक या एकेरी मार्गावर होणार आहे,

 या उमेदवारांना कोल्हापूर स्टँड येथून लक्ष्मी टेकडी या ठिकाणी पहाटे 5.00 ते सायंकाळपर्यंत जाणे-येणेसाठी परिवहन उपक्रमाची बससेवा उपलब्ध ठेवणेत आली आहे. या मार्गावर कळंबा ते राजारामपुरी मार्गे कागल, साळोखेनगर-आपटेनगर ते राजारामपुरी मार्गे कागल तसेच बोंद्रेनगर ते तावडे हॉटेलमार्गे कागल या नियमीत बसेस बरोबरच उमेदवारांच्या उपस्थितीनुसार जादा बसेस सोडणेत येणार आहेत.  

तरी, या भरतीसाठी येणाऱ्या उमेदवारांनी या बससेवेचा लाभ घ्यावा, असे आवाहन परिवहन उपक्रमातर्फे करणेत येत आहे.