कोल्हापूर: जिल्ह्यात सुरू असलेल्या संततधार पावसामुळे जिल्ह्यातील धरणांमधील पाणीसाठ्यात वाढ होत असून, प्रमुख नद्यांच्या पाणी पातळीतही वाढ झाली आहे. कोल्हापूर पाटबंधारे विभागाच्या ३ जुलै २०२६ च्या अहवालानुसार, पंचगंगा आणि कासारी नदीवरील काही बंधारे पाण्याखाली गेले आहेत.

 पंचगंगा नदीवरील रूई, इचलकरंजी आणि शिरोळ हे तीन बंधारे सध्या पाण्याखाली आहेत. तसेच, कासारी नदीवरील यवलुज बंधाराही पाण्याखाली गेला आहे.

 जिल्ह्यातील राधानगरी धरणात ७.७७ TMC, वारणा धरणात ३४.४० TMC आणि दुधगंगा धरणात २५.३९ TMC उपयुक्त पाणीसाठा जमा झाला आहे.

 राजाराम बंधाऱ्याची पाणी पातळी १४ फूट २ इंच इतकी असून, पंचगंगा नदीपात्रात पाण्याची आवक वाढत आहे.जिल्ह्यातील धरणांच्या पाणलोट क्षेत्रात पाऊस सुरू असल्याने पाणी पातळीवर पाटबंधारे विभागाचे नियंत्रण असून, संबंधित यंत्रणांना सतर्क राहण्याच्या सूचना देण्यात आल्या आहेत.