कोल्हापूर : सेवा संकल्प अभियानाअंतर्गत राष्ट्रीय तंबाखू नियंत्रण कार्यक्रम कोल्हापूर आणि उप जिल्हा वसाहत रुग्णालय, गांधीनगर यांच्या संयुक्त विद्यमाने तंबाखू जन्य पदार्थ सेवन चे दुष्परिणाम व मुख आरोग्याबाबत समाजात जनजागृती निर्माण करणे हा या उद्देशाने नागरिकांसाठी “लक्षीत गट चर्चा” 'फोकस ग्रुप डिस्कशन' (Focus Group Discussion) च्या विशेष सत्राचे आयोजन करण्यात आले होते. 

या कार्यक्रमाच्या प्रास्ताविकामध्ये दंतशल्य चिकित्सक डॉ. तेजस्वी पवार यांनी उपस्थितांना मुख आरोग्याचे महत्त्व (Oral Health) सांगून याविषयी सविस्तर जनजागृतीपर माहिती दिली.

कार्यक्रमात प्रमुख मार्गदर्शक म्हणून बोलताना जिल्हा सल्लागार (NTCP) डॉ. व्ही. ए. आरळेकर यांनी तंबाखू सेवनामुळे मानवी आरोग्यावर होणारे कॅन्सर गंभीर दुष्परिणाम स्पष्ट केले. तसेच, अप्रत्यक्ष धूम्रपान (पॅसिव्ह स्मोकिंग - Passive Smoking) आणि त्याचा गरोदर महिलांवर व होणाऱ्या बाळावर होणारा घातक परिणाम यावर विशेष प्रकाश टाकला. 

याशिवाय दातांची व मुखाची निगा राखण्यासाठी योग्य पद्धतीने ब्रशिंग करणे आणि वेळोवेळी 'स्व-मुख तपासणी' (Self-Oral Examination) कशी करावी, याचे प्रात्यक्षिक व मार्गदर्शन त्यांनी नागरिकांना दिले.

 "आपण स्वत: तंबाखू व्यसनांपासून दूर राहून आपल्या नातेवाईकांना व मित्रपरिवारालाही या व्यसनापासून परावृत्त करण्यासाठी सक्रिय प्रयत्न करावेत," असे आवाहन डॉ. आरळेकर यांनी या प्रसंगी केले.

या जनजागृतीपर उपक्रमास डॉ. महेंद्र फाळके, श्रीम.मंगल चव्हाण, श्रीम रत्नाकर, श्रीम. क्लारा चोपडे, राष्ट्रीय तंबाखू नियंत्रण कार्यक्रमाची टीम, रुग्णालयातील इतर सर्व स्टाफ आणि स्थानिक नागरिक मोठ्या संख्येने उपस्थित होते.