वारणानगर :  तात्यासाहेब कोरे इन्स्टिट्यूट ऑफ इंजीनियरिंग अँड टेक्नॉलॉजी (स्वायत्त), वारणानगर येथे करिअर डेव्हलपमेंट सेल व केमिकल इंजिनिअरिंग स्टुडंट्स असोसिएशन  यांच्या संयुक्त विद्यमाने 'रोल ऑफ एआय इन  केमिकल अँड ॲग्रो केमिकल इंडस्ट्रीज' या विषयावरील चर्चासत्राचे आयोजन गुरुवार दिनांक 12 फेब्रुवारी 2026 रोजी करण्यात आले आहे.

या व्याख्यानासाठी सिंजेंटा, पुणे येथील माननीय डॉ. माधव काशीद, हे तज्ञ म्हणून उपस्थित राहणार आहेत. कृत्रिम बुद्धिमत्ता ही रासायनिक व कृषी-रसायन उद्योगांमध्ये डेटा-आधारित निर्णयप्रक्रिया, स्वयंचलन आणि प्रक्रिया सुधारणा सक्षम करणारी एक महत्त्वाची तांत्रिक शक्ती म्हणून कशी उदयास येत आहे, यावर ते सविस्तर मार्गदर्शन करणार आहेत. कृषी-रसायन क्षेत्रात सुरक्षित व परिणामकारक सूत्रीकरणे, पीक संरक्षण धोरणे, अचूक वापर आणि पर्यावरणावरील  परिणाम कमी करण्यामध्ये कृत्रिम बुद्धिमतेचे महत्त्वही यावेळी अधोरेखित करण्यात येणार आहे.

या कार्यक्रमास वारणा विविध उद्योग व शिक्षण समूहाचे अध्यक्ष,  डॉ. विनय कोरे, वारणा विद्यापीठाचे कुलाधिकारी,  एन. एच. पाटील, कुलगुरू, डॉ. डी. टी. शिर्के, तसेच वारणा विभाग शिक्षण मंडळाचे मुख्य कार्यकारी अधिकारी डॉ. विलास कारजिन्नी, प्राचार्य, डॉ. डी. एन. माने, अधिष्ठाता डॉ. एस. एम. पिसे यांचे मार्गदर्शन लाभत आहे.

डॉ. संतोष काडापूरे व डॉ. एस. व्ही. लिंगराजू समन्वयक असून ह्या कार्यक्रमास रासायनिक अभियांत्रिकी विभागाचे विभागप्रमुख डॉ. के. आय. पाटील यांचे सहकार्य लाभत आहे.