कोल्हापूर : भारतीय जनता युवा मोर्चाचे महाराष्ट्र प्रदेशाध्यक्ष  कृष्णराज महाडिक यांच्या वाढदिवसाचे औचित्य साधून कोल्हापुरात विविध सामाजिक उपक्रम उत्साहात साजरे करण्यात आले. यानिमित्त मुक्या जनावरांची सेवा करत वाढदिवस साजरा करण्यावर कार्यकर्त्यांनी भर दिला.

भाजपा कोल्हापूर महानगर युवा मोर्चाच्या वतीने येथील पांजरपोळ संस्थेतील जनावरांसाठी दोन ट्रॉली चारा देण्यात आला. यासोबतच किरण शिराळे फाउंडेशन आणि श्रीराम युवा प्रतिष्ठानच्या संयुक्त विद्यमाने पांजरपोळ संस्थेतील मुक्या जनावरांना खाद्य  वाटप करून वाढदिवस साजरा करण्यात आला.

विविध संस्था आणि युवा कार्यकर्त्यांनी राबवलेल्या या उपक्रमामुळे कृष्णराज महाडिक यांचा वाढदिवस एक वेगळा आदर्श निर्माण करणारा ठरला. समाजातील दुर्बल घटकांसोबतच मुक्या प्राण्यांसाठी मदतीचा हात दिल्याबद्दल या कार्यकर्त्यांचे सर्वस्तरातून कौतुक होत आहे.