कोल्हापूर : जिल्ह्यातील दुसऱ्या महायुध्दाचे अनुदान घेत असलेल्या लाभार्थींनी आपल्या हयातीचे दाखले 31 मे पूर्वी जिल्हा सैनिक कल्याण कार्यालय (कोल्हापूर) येथे प्रत्यक्ष जमा करावेत असे आवाहन जिल्हा सैनिक कल्याण अधिकारी ले. कर्नल राहुल माने (नि.) यांनी केले .  

जिल्हा सैनिक कल्याण कार्यालय कोल्हापूर येथे हयातीचे दाखले प्राप्त झालेल्यांसाठी अनुदानाची मागणी शासनाकडे करण्यात येते. लाभार्थ्यांनी प्रत्यक्ष हयातीच्या दाखल्यासोबत आपले आधार / पॅन कार्ड, बँक पासबुकचे पहिले पान व जिल्हा सैनिक कल्याण कार्यालयाकडून देण्यात आलेल्या ओळखपत्राची छायांकित प्रत जमा करावी. हयात दाखले जमा झाल्याची खात्री करण्यासाठी 0231-2665812 या दूरध्वनी क्रमांकावर संबंधितांनी संपर्क साधावा.