कोल्हापूर : बार कौन्सिल ऑफ महाराष्ट्र अँड गोवाच्या संचालकपदी निवड झाल्याबद्दल ज्येष्ठ कायदेतज्ज्ञ ॲड. विवेकानंद घाटगे यांचा भव्य जाहीर सत्कार करण्यात येणार आहे. 'मानवतावादी सांस्कृतिक चळवळ'च्या वतीने हा कार्यक्रम बुधवार, ८ जुलै २०२६ रोजी सायंकाळी ५:०० वाजता राजर्षी शाहू स्मारक भवन, कोल्हापूर येथे आयोजित करण्यात आला आहे.

 सत्कारमूर्तींचा सत्कार पुष्पगुच्छ किंवा शाल-श्रीफळाऐवजी वही, पेन आणि पुस्तक भेट देऊन करण्यात येणार आहे. खा. श्रीमंत छत्रपती शाहू महाराज, शिवाजी विद्यापीठाचे कुलगुरू डॉ. रजनीश कामत, महापौर रुपाराणी निकम, डॉ. रमेश विवेकी आणि उत्तमदादा कांबळे यांच्या हस्ते ॲड. घाटगे यांचा सत्कार होणार आहे.
ज्ञानदान आणि वाचनसंस्कृतीला प्रोत्साहन देण्याच्या उद्देशाने हा उपक्रम राबवला जात असून, या कार्यक्रमास नागरिकांनी मोठ्या संख्येने उपस्थित राहावे, असे आवाहन स्वागताध्यक्ष भरत रसाळे आणि आयोजकांनी केले आहे. यावेळी पत्रकार परिषदेला भरत रसाळे, अनिल म्हमाने, डॉ. कपिल राजहंस, सुरेश केसरकर, अॅड. करुणा विमल, विश्वास तरटे, अंतिमा कोल्हापूरकर, अभिजीत मासुर्लीकर, गंगाधर म्हमाने.अन्य पदाधिकारी उपस्थित होते.