नवी दिल्ली : आज इस्रोने त्यांचा आतापर्यंतचा सर्वात वजनदार उपग्रह, CMS-03,  प्रक्षेपित केला. ४,४१० किलो वजनाचा हा उपग्रह LVM3-M5 रॉकेटच्या मदतीने Gesynchronous Transfer Orbit (GTO) मध्ये प्रक्षेपित करण्यात आला. हा भारतासाठी एक महत्त्वाचा टप्पा मानला जातो. LVM3-M5 रॉकेटला त्याच्या पेलोडमुळे "बाहुबली" असे म्हणतात. ४३.५ मीटर उंचीचे हे रॉकेट आहे.

LVM3, ज्याला GSLV Mk- म्हणूनही ओळखले जाते, हे इस्रोचे नवीन हेवी-लिफ्ट प्रक्षेपण वाहन आहे. हे रॉकेट GTO मध्ये 4,000 किलोग्रॅम पर्यंत वजनाचे उपग्रह आणि लो अर्थ ऑर्बिट (LEO) मध्ये 8,000 किलोग्रॅम पर्यंत वजनाचे उपग्रह प्रक्षेपित करू शकते. हे तीन-स्टेज रॉकेट आहे - दोन सॉलिड मोटर स्ट्रॅप-ऑन (S200), एक लिक्विड प्रोपेलेंट कोर स्टेज (L110) आणि एक क्रायोजेनिक स्टेज (C25). हे पूर्णपणे स्वदेशी तंत्रज्ञानाचा वापर करून विकसित केले गेले आहे.

हे मिशन LVM3-M5 चे पाचवे ऑपरेशनल फ्लाइट आहे. भविष्यात इस्रोच्या महत्त्वाकांक्षी गगनयान मोहिमेसाठी याच रॉकेटचे मानव-रेटेड व्हर्जन (HRLV) वापरले जाईल.भारतातून प्रक्षेपित केलेला हा सर्वात वजनदार उपग्रह असेल, परंतु इस्रोने यापूर्वी २०१८ मध्ये फ्रेंच गयाना येथून एरियन-५ रॉकेटवर GSAT-11 (५८५४ किलो वजनाचा) प्रक्षेपित केला होता. CMS-03 चे उद्दिष्ट भारत आणि आसपासच्या महासागरीय क्षेत्रांना मल्टी-बँड कम्युनिकेशन सेवा प्रदान करणे आहे.