कोल्हापूर  : रेकॉर्डवरील एका आरोपीसह दोन आरोपींना अटक करण्यात आली. त्यांच्याकडून जबरी चोरी, घरफोडी चोरी व मोटर सायकल चोरी असे एकूण 10 गुन्हे उघडकीस आणून 156 ग्रॅम सोन्याचे, 167 ग्रॅम चांदीचे दागीने व इतर साहित्य असा एकूण 9,31,386/-रु. किं. चा मुद्देमाल जप्त करण्यात आला ही कारवाई स्थानिक गुन्हे अन्वेषण  कोल्हापूर शाखेने केली. याप्रकरणी 01) उत्तम राजाराम बारड, वय-31 रा. धामोड, ता. राधानगरी, जि. कोल्हापूर व 2) अजिंक्य सयाजी केसरकर, वय 32, रा. मत्तीवडे, ता. चिक्कोडी, जि. बेळगाव, राज्य कर्नाटक त्यांना ताब्यात घेण्यात आले

 स्थानिक गुन्हे अन्वेषण शाखेचे पोलीस निरीक्षक रविंद्र कळमकर यांनी स्थानिक गुन्हे अन्वेषण शाखेकडील चार तपास पथके तयार करून कोल्हापूर जिल्ह्यह्यात घडलेले मालाविरुध्दचे गुन्हे उघडकीस आणणेचे दृष्टीने गुन्हा घडलेली ठिकाणी भेटी देवून गुन्हा करणेची पध्दत, ठिकाणे तसेच इतर तांत्रीकदृष्टया तपास करुन गुन्हे उघडकीस आणणेचे दृष्टीने मार्गदर्शन करुन तपास सुरु केला. तपासामध्ये पोलीस उपनिरीक्षक जालींदर जाधव यांचे पथक दिले मार्गदर्शनाप्रमाणे गुन्ह्यांचे ठिकाणी भेटी देवून सर्व गुन्ह्यांची माहिती संकलीत करुन तपास करीत असताना दि.20.03.2024 रोजी तपास पथकातील पोलीस अमंलदार संजय कुंभार, विजय इंगळे व रोहीत मर्दाने यांना खात्रीशिर माहिती मिळाली की, मुरुगुड पोलीस ठाणे, गु.र.नं. 59/2025, बी. एन. एस. कलम 3(5), 309(4) प्रमाणे दाखल असणारा चेन स्नॅचिंगचा गुन्हा हा रेकॉर्डवरील आरोपी  उत्तम बारड, रा. धामोड, ता. राधानगरी, जि. कोल्हापूर याने व त्याचे साथीदारांनी मिळुन केला असून ते सध्या कागल परीसरात असलेबाबत माहिती मिळाली. मिळालेले माहिती प्रमाणे पोलीस निरीक्षक  रविंद्र कळमकर यांचे मार्गदर्शनाप्रमाणे पोलीस उपनिरीक्षक जालिंदर जाधव यांचे पथकाने कागल येथे जावून आरोपी नामे 01) उत्तम राजाराम बारड, वय-31 रा. धामोड, ता. राधानगरी, जि. कोल्हापूर व 2) अजिंक्य सयाजी केसरकर, वय 32, रा. मत्तीवडे, ता. चिक्कोडी, जि. बेळगाव, राज्य कर्नाटक यांना ताब्यात घेवून मिळाले माहिती प्रमाणे त्यांचेकडे तपास केला असता त्यांनी उडवाउडवीची उत्तरे दिली.

 आरोपी पैकी उत्तम राजाराम बारड, वय 31, रा. धामोड, ता. राधानगरी, जि. कोल्हापूर हा रेकॉर्डवरील घरफोडी चोरी, जबरी चोरी, मोटर सायकल चोरी व जनावरे चोरी अशा वेगवेगळ्या प्रकारचे गुन्हे करणारा अट्टल गुन्हेगार असलेने त्यांचेकडे कोल्हापूर जिल्हयातील मालाविरुध्दचे गुन्हयाचे अनुषंगाने सखोल तपास केला असता त्या दोघानी मिळुन मुरगूड पोलीस ठाणे येथे गु.र.नं. 59/2025, बी.एन.एस. कलम 3(5),309 (4) प्रमाणे दाखल गुन्हयासह आणखीन जबरी चोरी, घरफोडी चोरी व मोटर सायकल चोरीचे गुन्हे केलेची कबुली दिली. त्यानंतर आरोपींकडे सखोल तपास करुन आरोपी नामे उत्तम राजाराम बारड याचे माहितीने 155.800 ग्रॅम सोन्याचे दागीने, 167.430 ग्रॅम वजनाच्या चांदीच्या वस्तु, चोरीची एक मोटर सायकल व गुन्हा करणेकरीता वापरलेली एक मोटर सायकल, अशा दोन मोटर सायकली व इतर साहित्य असा एकूण 9,31,386/- रूपये किंमतीचा मुद्देमाल जप्त केला आहे. दोन्ही आरोपींना अधिक तपासकामी मुरगुड पोलीस ठाणे येथे हजर केले असून पुढील तपास मुरगुड पोलीस ठाणे यांचेकडुन सुरु आहे.

रेकॉर्डवरील आरोपी उत्तम राजाराम बारड, व.व.31, रा. धामोड, ता. राधानगरी, जि. कोल्हापूर याचे विरुध्द कोल्हापूर, सांगली व सिंधुदुर्ग जिल्ह्यासह कर्नाटक राज्यात जबरी चोरी, घरफोडी चोरी, मोटर सायकल चोरी व जनावरे चोरीचे एकूण 62 गुन्हे दाखल आहेत.

सदरची कारवाई  पोलीस अधीक्षक  महेंद्र पंडित , अपर पोलीस अधीक्षक  निकेश खाटमोडे-पाटील ,अपर पोलीस अधीक्षक डॉ. बी. धीरज कुमार  यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक रविंद्र कळमकर, पोलीस उपनिरीक्षक जालिंदर जाधव, पोलीस अमंलदार संजय कुंभार, विजय इंगळे, रोहीत मर्दाने, सागर माने, महेश पाटील, महेश खोत, लखन पाटील, संदीप बेंद्रे, विशाल चौगुले, शुभम संकपाळ, संजय पडवळ, अमित सर्जे, कृष्णात पिंगळे, हंबीरराव अतिग्रे, सुशिल पाटील व महिला पोलीस अमंलदार तृप्ती सोरटे व संगीता खोत यांनी केली आहे.