कोल्हापूर : नागाव येथील क्षेत्राची मोजणी करण्यासाठी आज (मंगळवार) सकाळी टोप भूमापन नगर कार्यालयातील अधिकारी तुषार सोनवणे (वय ४५,रा. सांगली) हे त्यांचा सहकारी अमर चौगुलेसह उपस्थित होते. यावेळी लाचलुचपत प्रतिबंध विभागाने त्यांना वारसा हक्क नोंदणीसाठी चार हजार रुपयांची लाच घेताना रंगेहाथ पकडले.

 अंबपवाडी येथील तक्रारदार यांनी नगरभूमापन कार्यालयाचे अधिकारी तुषार सोनवणे यांच्याकडे वारसा हक्क नोंदणीसाठी अर्ज केला होता. यावेळी सोनवणे यांनी आठ हजार रुपयाची लाच मागितली. दोघांच्या तडजोडीने 4000 रुपये देण्याचे ठरले. ही रक्कम नागाव येथे घेऊन येण्यास तक्रारांना सांगितले होते. तक्रारदारांनी लाच लुचपत प्रतिबंधक विभागाला या विषयी तक्रार केली होती. आज (मंगळवार) दुपारी सुमारे दोन वाजण्याच्या सुमारास लाच लुचपत प्रतिबंध विभागाने सापळा लावून सोनवणे याला चार हजार रुपयांची लाच घेताना पकडले. यावेळी त्यांच्यासोबत अमर चौगुले (रा. हातकणंगले) हा देखील होता.

सदरची कार्यवाही लाचलुचपत प्रतिबंधक विभागाकडील अतिरिक्त कार्यभार असणारे पोलीस उपाधीक्षक बापू साळुंखे यांच्यासह पथकाने केली.