कोल्हापूर : पत्नीच्या डोक्यात हातोडा मारून खून करणाऱ्या पतीचा पंचगंगा नदी पात्रात मृतदेह आढळून आला. सागर कोळवणकर असे त्याचे नाव आहे.

पुलाची शिरोलीत भाड्याच्या घरात राहणाऱ्या सागर कोळवणकर व मनीषा कोळवणकर हे आपल्या मुलांसह राहत होते. सोमवारी रात्री एक वाजण्यासुमारास सागर याने पत्नी मनीषा झोपेत असताना तिच्या डोक्यात हातोडा मारून गंभीररीत्या जखमी केले होते. तिला उपचारासाठी रूग्णालयात दाखल केले असता उपचारादरम्यान बुधवारी रात्री मनीषाचे निधन झाले.

 त्यानंतर शिरोली पोलिस ठाण्यात सागरवर खुनाचा दाखल करण्यात ना आला होता. सोमवारी रात्री मनीषाला रुग्णालयात उपचारासाठी दाखल केले होते. त्यावेळी सागर याने बेशुद्ध पडण्याचे नाटक केले. त्यामुळे पोलिसांनी अटक न करता रुग्णवाहिकेतून त्याला रुग्णालयात पाठवले. पण सागर हा पहाटेपर्यंत रुग्णालयात थांबला आणि तेथूनतो पळ काढत बावडा मार्गे शिये पंचगंगा नदी पुलावर आला आणि त्याने नदीत उडी मारल्याचे काही लोकांनी पहिल्याचे समजते. त्यामुळे सागर याने आत्महत्या केल्याचा संशय व्यक्त होत होता. दरम्यान, दोन दिवस सागर यांचा मृतदेह पोलीस शोधत होते. अखेर शिरोली गावच्या हद्दीत ब्रम्हणात येथे सागरचा मृतदेह आढळला रात्री उशिरा मृतदेह तपासणी सुरू होती.