नवी दिल्ली : चंदीगड. नायब सैनी हरियाणाचे नवे मुख्यमंत्री बनले आहेत. पंचकुलामध्ये नायब सिंग सैनी राज्याचे नवे प्रमुख म्हणून पद आणि गोपनीयतेची शपथ घेतील. पंचकुलाच्या सेक्टर-5 येथील दसरा मैदानावर या शपथविधी सोहळ्याचे आयोजन करण्यात आले होते. या शपथविधी सोहळ्याला पंतप्रधान नरेंद्र मोदी शिवाय 18 राज्यांचे मुख्यमंत्री आणि उपमुख्यमंत्रीही उपस्थित होते.
नायब सैनी दुसऱ्यांदा हरियाणाचे मुख्यमंत्री झाले आहेत. मुख्यमंत्र्यांसह एकूण 14 मंत्र्यांनी शपथ घेतली. अनिल विज यांनी सर्वप्रथम शपथ घेतली. महिला कोट्यातील आमदारांना मंत्री करण्यात आले आहे.
प्रत्यक्षात बुधवारी पंचकुलामध्ये भाजप विधीमंडळ पक्षाची बैठक झाली आणि त्यात नायब सैनी यांची विधिमंडळ पक्षनेतेपदी निवड करण्यात आली होती. या बैठकीला भाजपचे नेते अमित शहा आणि मनोहर लाल खट्टरही उपस्थित होते.
शपथविधी सोहळ्यास गृहमंत्री अमित शहा, बिहारचे मुख्यमंत्री नितीश कुमार, छत्तीसगडचे मुख्यमंत्री विष्णुदेव साई, उपमुख्यमंत्री अरुण जैन साओ, विजय शर्मा, यूपीचे मुख्यमंत्री योगी आदित्यनाथ, केंद्रीय मंत्री नितीन गडकरी, मंत्री मनोहर लाल खट्टर, खासदार सीएम मोहन लाल यादव आणि जेपी नड्डा आदी उपस्थित होते.