कोल्हापूर : यशवंतराव चव्हाण (के.एम.सी.) कॉलेज, कोल्हापूर येथे ५ सप्टेंबर रोजी ‘शिक्षक दिन’ उत्साहात साजरा करण्यात आला. शिक्षक दिनानिमित्त अकरावी व बारावी कला आणि वाणिज्य शाखेतील विद्यार्थ्यांनी शिक्षकांची भूमिका साकारत अध्यापनाचा अनुभव घेतला.

यावेळी अमृता रेळेकर, सायली जोगी, जय जाधव, प्रतीक्षा लोंढे, हर्षवर्धन दबडे, आसमा मुजावर, रिया माने, तेजस्विनी सूर्यवंशी, सर्वेश अधिकनवर, हरी पाटील, सोफिया मुजावर, अनन्या चौहान, प्रतीक चौगुले, प्रीती गोसावी, धनराज जाधव आणि निरंजन भोसले या विद्यार्थ्यांनी शिक्षकांची भूमिका बजावली.

कार्यक्रमाच्या अध्यक्षस्थानी ग्रंथपाल, प्रा .आर .आर.मांगले  होते. त्यांनी आपल्या मनोगतात शिक्षकांचे विद्यार्थ्यांच्या जीवनातील महत्त्व अधोरेखित केले. तसेच आदिती देवकुळे आणि शिक्षकांची भूमिका साकारलेल्या विद्यार्थ्यांनी आपले मनोगत व्यक्त केले.

कार्यक्रमासाठी महाविद्यालयाचे प्राचार्य डॉ. प्रशांत नागावकर तसेच पर्यवेक्षक कॅप्टन डॉ. अमित रेडेकर यांचे मार्गदर्शन व सहकार्य लाभले. कार्यक्रमाचे सूत्रसंचालन प्रा. प्रतिभा पाटील यांनी केले, तर आभार प्रा. एच. टी. कांबळे यांनी मानले.

कार्यक्रमाच्या यशस्वी आयोजनासाठी प्रा. संदीप गावित, प्रा. विशाल वैराट, प्रा. स्वप्निल जाधव, प्रा. मयुरी तिकोडे आणि प्रा. प्राजक्ता पाटील यांचे सहकार्य लाभले. कार्यक्रमाचे संयोजन प्रा. कुमुदिनी देसाई यांनी केले.