कोल्हापूर : डी. वाय. पाटील ग्रुपचे अध्यक्ष डॉ. संजय डी. पाटील यांच्या वाढदिवसानिमित्त आयोजित प्रेसिडेंट कप स्पर्धेचे उद्घाटन शनिवारी ग्रुपचे अध्यक्ष डॉ. संजय डी पाटील यांच्या हस्ते झाले. यावेळी कार्यकारी संचालक डॉ. ए.के. गुप्ता, डीन डॉ. राकेश कुमार शर्मा, वैद्यकीय अधीक्षक डॉ. वैशाली गायकवाड, प्रोजेक्ट हेड व स्पर्धा संयोजक सदानंद सबनीस यांच्यासह विविध संस्थांचे प्राचार्य उपस्थित होते.
     
डॉ. संजय डी पाटील यांच्या वाढदिवसानिमित्त सन 2018 पासून डी. वाय पाटील हॉस्पिटलच्या मैदानावर प्रेसिडेंट कप स्पर्धेचे आयोजन केले जाते. डी वाय पाटील ग्रुपच्या अंतर्गत कार्यरत असलेल्या विविध संस्थांचे संघ या स्पर्धेत सहभागी होतात. यावर्षी एकूण 24 संघांमध्ये ही स्पर्धा होत आहे. डॉ संजय डी पाटील यांच्या वाढदिनी 18 फेब्रुवारीला अंतिम सामना रंगणार आहे या स्पर्धा विद्युत झोतात खेळण्यात येणार आहेत.
    
डॉ. संजय डी. पाटील यांच्या हस्ते नाणेफेक होऊन स्पर्धेचा शुभारंभ झाला. यावेळी डॉ संजय डी. पाटील  यांनी फलंदाजीचा आनंद लुटला. या स्पर्धेमुळे कर्मचारीमध्ये खिलाडूवृत्ती वाढेल. सांघिक गुण निर्माण होऊन कार्यक्षमता वाढेल असा विश्वास यावेळी डॉ. पाटील यांनी व्यक्त केला. यावेळी डॉ. शिंपा शर्मा, डॉ. अजित पाटील, डॉ. उमाराणी जे.,  संजय जाधव, अजित पाटील, तानाजी जाधव यांच्यासह मान्यवर उपस्थित होते.
    
डी वाय पाटील हॉस्पिटल आणि डी. वाय. पाटील शुगर फॅक्टरी  या दोन संघांमध्ये सलामीचा सामना झाला. डी वाय पाटील स्कूल ऑफ इंजीनियरिंग अँड मॅनेजमेंट, साळोखेनगर स्कूल, कृषी व तंत्र विद्यापीठ तळसंदे ए व बी, टीम कॉर्पोरेट, हॉस्पिटल, शुगर फॅक्टरी, नर्सिंग, शांतिनिकेतन, कॉन्ट्रॅक्टर, पॉलिटेक्निक, एचके चॅलेंजर्स, सिटी मॉल, इंजीनियरिंग बावडा, अजिंक्यतारा,  सयाजी, टेक्निकल कॅम्पस, सी.आय.आर, मेडिकल कॉलेज, साळोखेनगर इंजीनियरिंग, ज्ञानशांती बंगलो, इंजिनिअरिंग इलेव्हन  बावडा, प्रोजेक्ट टीम, फार्मसी अँड फिजिओथेरपी आदी संघ या स्पर्धेत सहभागी झाले आहेत.

स्पर्धा नियोजनासाठी बाबुराव वांगळे, बाबू नायक, अमोल उपासे, रावसाहेब पाटील, कुणाल पोवळकर, प्रकाश माने, सुमित कांबळे, क्रीडा संचालक शंकर गोनूगडे यांच्यासह सहकारी मेहनत घेत आहेत.