कोल्हापूर  : महानगरपालिका मालकीचे भाडे तत्वावर देण्यात आलेले व्हिनस कॉर्नर मार्केट व छ.शिवाजी मार्केट मधील थकबाकी असलेले 5 दुकानगाळे आज इस्टेट विभागामार्फत सील  करण्यात आले.

 कोल्हापूर महानगरपालिकेच्या इस्टेट विभागामार्फत वसुली मोहिम राबवण्यात येत आहे. यामध्ये मागील थकबाकी व सन 2025-26 चे महापालिकेचे दुकान भाडे भरणे बाबत वेळोवेळी इस्टेट विभागामार्फत भाडेकरुंना सुचना देण्यात आल्या होत्या. त्यामुळे आज सदरची कारवाई व्हिनस कॉर्नर मार्केट व छ.शिवाजी मार्केट येथे राबविण्यात आली. यावेळी थकीत असलेले 5 दुकानगाळे सील करण्यात आले. 

यापुढे ही थकबाकीदारांवर दुकानगाळे सील होणेची तसेच मिळकतीवर बोजा नोंद करणेची कार्यवाही ठेवली जाणार असून महापालिका मालकीचे दुकान गाळेतील भाडेकरुंनी आपली थकबाकी मुदतीत भरण्यात यावी असे इस्टेट विभागाच्यावतीने आवाहन करण्यात आले आहे. 

आजची कारवाई अतिरिक्त आयुक्त शिल्पा दरेकर यांच्या मार्गदर्शनाखाली उप-आयुक्त किरण धनवाडे,  सहा.आयुक्त स्वाती दुधाणे, इस्टेट ऑफिसर विलास साळोंखे, लिपीक अरुण भोसले, रविंद्र काळे, जर्नादन भालकर, गिरीष नलवडे, कल्पना शिरदवाडे, सदानंद फाळके, सौरभ आवटे यांनी केली.